ناونیشانی بابەت: ئەو نیشانانەی ئاماژەن بۆ قەڵەوی
ئامادەکردن: د. #کامەران ژاژڵەیی#

زۆری کێش و قەڵەوی هۆکاری گەلێک نەخۆشی و کێشەی تەندرووستی درێژخایەن و ترسناکە؛ بەڵام بوونی هەندێک نیشانە ئاماژەن بۆ ئەوەی کە پێویستە بە خێرایی کێشت دابەزێنێت و چیتر پشتگوێ نەخرێت.

1- ماندوو بوون و تەنگەنەفەسی دوای کەمترین جووڵە و چالاکی ڕۆژانە؛ وەک ڕویشتن بە پێ یان سەرکەوتن بە قادرمەدا.
2- تەسک بوونەوەی جل و بەرگ؛ ئەگەر جلەکانت چیتر بە بەرت نەبوو بە تایبەت لە ناوچەی کەمەر مانای ئەوەیە چەند کیلۆیەک چەوری لە ناوچەی ورگ کۆبۆتەوە.
3- تووشبوون بە هەندێک نەخۆشی وەک: نەخۆشی شەکرە، بەرزی فشاری خوێن، نەخۆشیەکان دڵ، بەرزی کولیستڕۆڵ و چەوریەکان، لاوازی سێکسی.
4- پرخەپرخ کردن لە کاتی نووستن.
5- ئازاری ئەژنۆ و پێ و پشت و ئاوسانی قاچ و پێ.
6- هەست کردن بە برسیەتی بەردەوام و تێر نەبوون.
7- گۆشەگیری و خەمۆکی و حەزکردن بە تەنیایی و نەچوونە دەرەوە.
8- تێک چوونی خەو؛ کەم خەویی یان خەوڵوایی بەردەوام و زۆر نووستن.
هەمیشە لە یادمان نەچێت دابەزینی کێش زۆر گرنگە بەڵام قەڵە و نەبوونەوە گرنگترە. [1]