لە کوێرەکانیان ئاو مەخۆرەوە
کوێرەکانی واتە ئه و کانیاو و دەراوەی ساڵێکی تەڕ و بە ئاو و باران ئاوی هەیە و ئه و ساڵەی وشکەساڵیە و بێ بارانە ئاوەکەی کوێر دەبێتەوە نامێنێت به و جۆرە کانیاوانە دەوترێت: کۆردەرە، کوێراو و کوێرەکانی لە ئیدیۆم و پەندی کوردەواریدا ووتراوە: نە کۆراوان بکە بەڕەز، نەناکەسان بکە بەکەس، شتی کاتی و بچوک وەک سێبەری خڕنوک و بنەنیسک و نۆک یان کوێرەکانی ئاو لێ بڕاو ناتوانی بیکەیە بنەمای ڕەزەوانی، چونکە ئه و جۆرە چاوگ و سەرچاوە و ئاوانە جێگەی متمانە نین چونکە ساڵێک نا ساڵێک ئاودارن، ئەوە لایەنە ڕاستەقینەکەیە و ئیدیۆمەکەشی ئەوەیە مرۆڤ خۆی بەشتی بچووک و کەم و بێ متمانە خەریک نەکات چونکە مایەپووچە و هیچی لێ شین نابێت بە ئامۆژگاری و هۆشداریدانەوە دەوترێت: لە کوێرەکانیان ئاو مەخۆرەوه.[1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 998 keer bekeken