ئەمڕۆ 02-08-2020لەبەرامبەر هێنانەوەی عەرەبی هاوردە بۆ سنورەکانی کەرکووک و #خورماتوو#، هەوڵدان بۆ نیشتەجێکردنیان لەسەر زەوی و زاری کوردە ڕەسەنەکانی ناوچەکە مەڵبەندی کەرکووکی یەکێتیی نیشتمانیی کوردستان لەبانگەوازێکدا ئاماژە بەگرتنەبەری تەواوی ڕێوشوێنەکان دەکات بۆ ڕێگەگرتن لەو دیاردەیە.
مەڵبەندیی 2ی یەکێتیی نیشتمانیی کوردستان لەو بانگەوازەدا ڕایگەیاندوە:بە داخەوە لە کاتێکدا هاونیشتمانییانی کەرکووک و دووزخورماتوو سەرقاڵی بەڕێکردنی بۆنەکانی چەژنی قوربانن، لەم کاتەدا و بەدەر لە ڕێوشوێنە دەستوری و یاساییەکان بەشێک لە عەرەبە هاوردەکان کە لە دوای پڕۆسەی ئازادیی عیراقەوە کەرکووک و دەوربەریان بەجێهێشتوە و پێشتر لە چوارچێوەی سیاسەتی بەعەرەب کردن هێنرابونە کەرکووک ناوچەکانی دەوروبەری، ئەمڕۆ جارێکی تر و بە مەبەستی بە عەرەب کردنەوەی ناوچەکانی (حەڤتەغار و مەهاوش و کولیتەپەی سەر بە شارۆچکەی #داقوق#) بەهێزێکی زۆرە هاتوونەتەوە سنورەکەو دەیانەوێ دووبارە لە سەر زەوی و زاری کوردی ڕەسەنی دانیشتووی ئەو ناوچانە نیشتجێ بکرێنەوە!
لەم ڕووەوە داوا لە سەرۆک کۆمار و سەرەک وەزیڕان و وەزیری ناوخۆی عیراقی فیدڕاڵ و، نەتەوە یەکگرتووەکان و سەرجەم ڕێکخراوە نێودەوڵەتییەکان و لایەنە پەیوەندیدارەکانی دیکە دەکەین کە بە پەلە ڕێگە لەم دەستدرێژی و داگیرکارییە بگرن و ڕێگە نەدەن ئاشتی کۆمەڵایەتیی بشێوێنرێ و پەیوەندی لە مێژینەی نێوان پێکهاتە ڕەسەنەکانی کەرکووک تێکبدرێ. ئێمە لە یەکێتیی نیشتمانیی کوردستان سەرلەبەری ئەم هەڵسوکەوتە داگیرکارییە ڕەتدەکەینەوە و بە سەرەتایەکی مەترسیداریشی دەزانین بۆ لێکترازانی نێوان پێکهاتەکان بە تایبەتیش نێوان کورد و عەرەب، لەو ڕووەوە داوا لە هێزە ئەمنییەکانیش دەکەین بە پەلە ڕێوشوێنە دەستورییەکان بگرنەبەر و ڕێگە لەم داگیرکارییە بگرن و لایەنگیری نەکەن!
لەم سۆنگەیەوە هەموو لایەک ئاگادار دەکەینەوە کە بە هیچ شێوەیەک ڕێگە نادەین دەست بۆ زەوی و زاری کورد ببرێ و لەو پێناوەدا هەموو ڕێو شوێنێک دەگرینەبەر و ئامادەی هەموو شێوازێکی خەباتی مەدەنی و سیاسین، هەر ئەمڕۆش لێپرسراوی مەڵبەندی کەرکووک و پەرلەمانتارەکان لە سەرخەت بوونە بۆ ئەو مەبەستە و پەیوەندییان بە بەڕێز سەرۆک کۆمار و وەزیری ناوخۆ و لایەنەکانی ترەوە کردووە و لە بەرامبەردا ئەوانیش بەڵێنیان داوە بە دەستور و یاسا چارەسەری ئەم کێشەیە بکەن و هەر ڕێوشوێنێک پێویست بوو بگرینەبەر بە مەبەستی کۆتایی هێێنان بەم کێشەیە. [1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,369 keer bekeken
Schrijf uw commentaar over dit item!