دواڕۆژ، سیروان حەسەن
لەلایەن لیژنە هاوبەشەکانی قایمقامیەتی #کەلار#ەوە لە ماوەی ساڵی 2018دا، تیمەکانیان نزیکەی پێنج هەزار شوێنکار گەڕاون و زیاتر لە چوار هەزار تەن خۆراکی بەسەرچوو دەستیان بەسەرداگیراوە و 541 دوکان و شوێنکاریش سزادراون.
شەهاب ئەحمەد، قایمقامی کەلار بە دواڕۆژی ڕاگەیاند: لە ماوەی ساڵی 2018دا لیژنەکانیان کە ژمارەیان 10 لیژنەیە، چوار هەزار و 986 شوێنکار گەڕاون، لەوانە دوکان، مارکێت، کارگە، ئارایشتگا، دەرمانخانە و نۆرینگەکان، مەلەوانگە، کافتریا، قەساب و گۆشتفرۆشەکان و شوێنی دیکە.
وتیشی: 514 شوێنکار سزادراون، لەوانە 331 شوێنکار سزاکانیان غەرامەی ماددی بووە، 183 شوێنی دیکەش بە داخستن سزادراون، هاوکات چوار تەن خۆراکی خراپ و مەوادی بەسەرچوو دەستیان بەسەرداگیراوە.
باسی لەوەشکرد: لە ماوەی ساڵی 2018دا کۆی غرامەی ماددی سەرپێچییەکان بریتی بووە لە 11 ملیۆن و 350 هەزار دینار و بەراورد بە ساڵی ڕابردووش دەستبەسەرداگرتنی خۆراکی خراپ کەمیکردووە و ڕێژەی سەردان و سزادان و غەرامە مادییەکان زیادیان کردووە.
پێداچوونەوە: ئیحسانی مەلا فوئاد[1]
#02-01-2019#
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,103 keer bekeken
Schrijf uw commentaar over dit item!