ڕۆژنیوز – ناوەندی هەواڵەکان
ناوەندی چاپەمەنی و ڕاگەیاندنی یەکینەکانی پاراستنی گەل (یەپەگە) ڕایگەیاند کەلە مانگی گوڵاندا 1005 چەتە کوژراون و لاشەی 353 چەتەش کەوتوەتە دەست شەرڤانان، ئاشکراشی کردوە کەله ماوەی یەک مانگی شەڕەکاندا 86 شەرڤانی یەپەگە و یەپەژە شەهیدبوون. هەپەگە ئاماری شەڕەکانی مانگی گوڵانی لەسەر ماڵپەڕی ڕەسمی خۆیان بڵاوکردەوە، بەپێی ڕاگەیەنراوەکە یەپەگە لەو مانگەدا 73 ئۆپەراسیۆنی ئەنجامداوە، بەگشتی 1005 چەتە کوژراون، لاشەی 353 چەتەش کەوتوەتە دەست شەرڤانان و دوو چەتەش بەدیل گیراون. دەربارەی دەستکەوتەکانی دیکە یەپەگە ئاشکرای کردوە کە توانیوانە دەست بەسەر 59 ئۆتۆمبێلی سەربازی، 11 ئۆتۆمبێلی دۆشکە لەسەر، 21 ئۆتۆمبێلی بۆمبڕێژکراو، 3 تانک، 2 پانزێڕ 1 بارهەڵگر، 1 لۆری و 1 ترکتۆری چەتەکاندا بگرن. ڕاشیگەیاندوە کە ژمارەیەکی زۆر چەک و جبەخانەش کەوتوەتە دەست شەرڤانانەکانیان، و جوغرافیایەکی مەزنیان لە چەتەکان پاککردوەتەوە. لەکۆتاییدا ئاماژەی بەوەش کردوە کە لەماوەی شەڕی مانگی گوڵاندا 86 شەرڤانی یەپەگە و یەپەژە بەقارەمانانە شەهیدبوون.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 4,307 keer bekeken
Schrijf uw commentaar over dit item!