جهێ کوردستان ل سەر گویا عەردی، وسروشتێ وێ ژ گەلی و چییا و دەشت و مێرگ و ریباران، ب شینکاتیا گیایی ودار وبارا و سپیاتیا بەفرێ، هینکاتی و سەرما وگەرما هەر چوار وەرزان وی مافی دەتە مە ئەم بێژین کوردستانێ سروشت و سەقایێ جیهانێ هەم ل خو کوم کریە وخەلکێ خو ژ ج بێ بەهر نەکریە، لەوما دەسپێکا ژیانێ ژی ل کوردستانێ بو وەک شکەفتا شاندێر دیار دکەت. پتریا جهێن کوردستانێ هاڤینگەهن بەلێ هندەک جهێن وێ ژیێن دی بناڤ و دەنگ ترن ل هەرێما کوردستانا عیراقێ چەندین هاڤینگەهێن بناڤ ودەنگ هەنە ژوان ئینشکێ. هاڤینگەها ئینشکێ ئێکە ژ هاڤینگەهێن ناڤدار ل سەر ئاستێ کوردستانێ و عیراقێ و بەلکو خەلکەک ژ وەڵاتێن دی ژی ب دیمەنێن وی مەندەهوش ماینە پشتی هاتینە ڤێ هاڤینگەهێ کو د کەڤیتە بەرۆژێ چیایێ مەتینی بەرامبەر جیایێ گارەی ل باکورێ هاڤینگە و ناحیا سەرسنک و رۆژ هەلاتێ ناحیا بامەڕنێ و ل رۆژ ئاڤایێ کۆمەڵگەها قدش ل هنداڤی سپنێ بەهدینان، دیمەنەکێ باڵکێش هەیە ژ جهەکێ بلند و سروشتەکێ هەمەڕەنگ و ئاڤەکا بوش و پاقژ کو ژ سەرو کانیێ تا ژ هاڤینگەهێ دەردکەڤیت دیمەنەکێ نازک ددەتە ئینشکێ و سیپەلا ئینشکێ جهەکێ دلڤەکەر وخوشە ویا ژ وێ سەیر و فینک تر بەلکو ل شەڕگەهێ گەرما هاڤینێ مرۆڤ هەست ب سەرمایێ لێ دکەت شکەفتا ئینشکێ یە کو دەرگەهەکێ بچووک هەیە بەلێ ل ناڤ دا د ناڤ چیایی دا یا بەرفرە و ب دەهان مێزە و کورسیک تێدانە هەتا شەهیان و ئاهەنگ لێ دهێنە و ل بانێ ڤێ شکەفتێ کولینەک هەیە ئاف ژی دکەڤیتە نیڤا شکەفتێ وەک سیپەلەک و جوانی و فینکاتیا وێ پتر لێ دکەت. هەژی گوتنێ یە کو ل دەما شوڕەشا ئیلونێ ئەف شکەفتە وەک نەخوشخانە ژلایێ پێشمەرگەی ڤە دهاتە بکارئینان.هەر وەسا هژمارەکا گازینو و کەپرا ل سەر ئاڤێ هاتینە چێکرن وچەندین خانی (شوقە) هەنە بەلێ مخابن نوکە ژبەر ئاریشا ئاکنجیبونێ خێزان تێدا ئاکنجیبوینە و کارتێکرن ل سەر دیمەنێ هاڤینگەهێ و بارێ خزمەت گوزاریێ و رێژا خەلکێ قەستا وێ دکەت کریە. هەژی گوتنێ یە کو ل بەرسنگێ ڤێ هاڤینگەهێ ئاقارەکێ بەرفرە هەیە کو ب کەسکاتیا خو رەوشا ڤێ هاڤینگەهێ پتر لێ دکەت.
Dit item werd in het (کرمانجی - کوردیی سەروو) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 11,811 keer bekeken