گوڵپ گوندێکە سەر بە ناوچەی هەورامان پشتی بە شاخەکانی هەورامانەوەیە و ڕووی لە دەشتی شارەزوورە کراوەترین سیمای هەیە و تیشکی خۆری لەسەرە هەر لەهەڵهاتنەوە هەتا زەردەپەڕ و دواتر ئاوابوون، پێش ڕاگواستنی نزیکی 400 ماڵ بووە، لەساڵی 1928 قوتابخانەی تیادا دروستکراوە لە 1972 کارەبای بۆ هاتووە، هەموو پیشە و سەنعات کارێکی ئەو سەردەمە لەگوڵپ بوونیان هەبووە، زانای گەورەی ئاینی وەکو مەلا غەفووری تیابووە وە ژنان لەگوڵپدا خاوەن بڕیار بوون لەسەر ئاستی بەڕێوبردنی ماڵ وخێزان و ئەمانەتەوە، دەتوانین نمونەی خوێندەوار و خاوەن بڕوانامەکان لەگوڵپ بە ڕوونی ببینین. زۆربەی دێ کان منداڵەکانیان ناردووە بۆ گوڵپ بخوێنن، وە دەتوانین نازناوی (شارەدێی گوڵپی) لێ بنێین چونکە نوسەر و مامۆستا حەمە کەریم هەورامی لە کتێبەکەیدا ئاماژەی پێ دەکات گوڵپ جیاواز لە هەموو گوندەکانی کوردستان ناو بازاڕەکەی قەیسەری تیادا بووە کە ئەم حاڵەتە تەنها لەشارەکاندا بوونی هەبووە کە قەیسەری گوڵپ هەژدە دوکانی ئەم بەر و ئەو بەری لەخۆ گرتووە و زۆربەی پیشەکان لەو قەیسەریەدا بوونیان هەبووە هەر لە (عەتاری، کوتاڵفرۆشی، دەلاک، میوەفرۆش، قەساب، و وشکە فرۆش...هتد)، لە ڕووی نیشتمان پەروەری و کوردایەتی خاوەنداری لە شەهیدی قارەمان و ناسراوی گەلەکەمان (شەهید حەمە گوڵپی) دەکات و بەو پێیەش سەروەری تۆمارکردنی داستانی پردی زەڵم بەرامبەر بە دەبابەی ڕژێم بە گوڵپییەکان دراوە لەسەدەی ڕابردوودا، وە هەروەها ئێستاش گوڵپییەکان لە زۆربەی بوارە جیاوازەکانی ژیاندا زۆر سەخاوەت مەندانە سەر مەشقی جوان پێشکەش بە کۆمەڵگەی کوردی دەکەن هەر لەبواری (تەندروستی، ڕۆشنبیری، سیاسی، کۆمەڵایەتی، ئاینی، نەتەوەیی، مێژووی، بازرگانی، شۆڕش گێڕی) و بڕوانامە و ئاستە جیاوازەکانی تری خوێندن. سەرەڕای ئەمەش هێشتا شارە دێی گوڵپ کە لە ڕابردوو دا سەنتەری هەموو گوندەکانی دەوروبەری بووە دوای بیست وچوار ساڵی حوکمڕانی و بگرەو بەردەی حیزبایەتی کەلاوەکانی باشترین ئاماژەی بێ وەفایی حکومەتی کوردین بۆ ئاوەدان نە کردنەوەی و پشت گوێ خستنی.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 6,486 keer bekeken