کورد دلۍ چەرخەکا تاریخینە
بەشۍ: دوەسەڎ و سی و حۆتەمە
نویستەی: #هاوڕێ باخەوان#
ساڵەو (1909ز):
* ئەچی ساڵېنە، عەلی عارف ئاغای شاعېر دلۍ شارو سلێمانی ئامان دنیا.
* کۊتاو ئی ساڵېنە، تورکەکۍ پەلامارەو مەهابادیشان دا، کە دۋۍ هەزار چەکدارۍ خېڵەکانو مامش و مەنگوڕی بە سەرداری هەمزاغا و سڵێمان و بایزاغای یاردیشا دێ، چا هېرشانە کوردەکۍ تۊپېچشان پەنەبېنۍ.
* دلېڕاسەو ئی ساڵېنە، تورکەکۍ یانەو کوردانیشان جە بەدلیس ۋستەرە.
* سەرەتاو ئی ساڵېنە، دۋۍ لیژنۍ ڕووسی و تورکی گلېرۍ بیێ، تاکو ئیتر نازان چەک و تەقەمەنی ڕووسی بیاوۊن بە دەسو کوردەکانو سەرنیشتی.
* ئەچی ساڵېنە، مەلا عەبدولڕەزاقی شێخولئیسلامی سنەی کۊچی دمایینش کەردەن.
* هامنو ئی ساڵۍ، کونسوڵو ڕووسی جە ورمێ، سوارەکۍ وېش کیاستېش سەرو بەگزاڎە کوردەکا تاکو تۊڵەو سۊچنای دەگێوە فەلەکا سزاشان بڎۊن.
* وەسمان پاشاو جافی، ئەچی ساڵېنە کۊچی دمایینش کەردەن.
* ئەچی ساڵېنە، بارزانییەکۍ دژو عوسمانییەکا ڕاپەڕێ.
* ئەچی ساڵېنە، سالمی سنەی شاعېر، کۊچی دمایینش کەردەن، تەمەنو (64) ساڵینە جە شارو سنەی، نامېش سەلیم شېخ ئەحمەڎی تەختەیی.
* ئەچی ساڵېنە، سەی ئەحمەڎی نەقیبی شاعېر کۊچی دمایینش کەردەن.
* مەحوی شاعېر، ئەچی ساڵېنە کۊچی دمایینش کەردەن.
* هۊزو هەمەوەڼی، ئەچی ساڵېنە جە ناوچەو بازیانی ڕاپەڕێنۍ، دماجار هەردوە داگیرکارەکۍ ئێرانی و تورکیای هېرششان پەی بەردۍ و ئاڎییچۍ پەی ناوچەو زەهاوی ڕەمێ.
* ئەچی ساڵېنە، مێجەرسۆن کە بە جاسووسی و بە نامۍ غوڵام حسێنی ملۊن پەی هەڵەبجەی، تاهیر بەگو جافی سڕش هۊرماڵۊن و ئاشکەراش کەرۊن.
* ئەچی ساڵېنە، شۆڕشو شېخ عەبدولسەلامو بارزانی جە پانیشتەنە هۊرخېزیا.
* ئەچی ساڵېنە، زاناو کوردی (قەناتی کوردۆ) ئامان دنیا.
* مانگەو (10) ئی ساڵېنە، بارزانییەکۍ بە سەرداری شېخ عەبدولسەلامی بارزانی ڕاپەڕێ.[1]