ناڤ: شاکرۆ خدۆ محۆ
ناسناڤ: شاکرێ خدۆ - پرۆفیسۆر شاکرۆ
جهێ ژدایکبوونێ: ناوچەیا ئەلەگەز / ئەرمەنستان
ساڵا ژدایکبوونێ: 1930
جهێ وەغەرا داویی: مۆسکۆ
ڕێککەفتا وەغەرا داویی:#01-02-2007#
$ژیاننامە$
پڕۆفیسۆر شاکرۆ ل ساڵا 1930 ل ناوچەیا ئەلەگەز ل وڵاتێ ئەرمەنستانێ و د ماڵباتەکە کورد یا ئێزدی ل عەشیرەتا سپکی ژدایک بوویە.
ل ساڵا 1952 ل زانینگەها یەریڤان ل پشکا دیرۆکێ دە دەرچوویە و باوەڕنامەیا باکالۆریۆسێ د بوارێ هەنێ دە بدەست خوەڤە ئینایە، و پشترە دبیتە ماموستایێ وانەیا دیۆکێ. ل ساڵا 1955 هەیا ساڵا 1960 وەکە جێگرێ سەرنڤیسەرێ ڕوژنامەیا ڕییا تازە کار دکەت، کو ئەڤ ڕوژناما هەنێ ڕوژنامەیەکە بەرنیاس و ناڤدارا کوردییە و ل ساڵێن سیهان ڤە ل یەریڤانێ چاپ بوویە و کەتییە بەردەستێ خوەندەڤانان. پشتڕە ل پشکا کوردی یا ئینستتیوتیا ڕۆژهەڵاتناسی ل یەریڤان دەست بکارێ خوە کرییە.
پڕۆفیسۆر شاکرۆ خوەدیێ دوو باوەڕنامەیێن دکتۆرا بوویە کو هەر دوو لسەرشوڕەشا گەلێ کورد بووینە ل باشوورێ کوردستانێ.
ل ساڵا 1981 هەیا ساڵا 1994 بەرپرسیارێ پشکا کوردی یا ئینستتیوتیا ڕوژهەڵات ناسی بوویە ل یەریڤانێ. ل ساڵا 1985 دا بوویە پڕۆفیسۆر و ل ساڵا 1996 دە پلەیا ئەکادیمی یا زانستێ ئەرمەنی پێ هاتە بەخشین کو ل وڵاتێ ئەرمەنستانێ بڵندترین پلەیا زانستییە . ل ساڵا 1994 دە پڕۆفیسۆر شاکرۆ تەڤی کۆمەک ڕوناکبیرێن کوردی ڕە ناڤەندا لێکۆلینا کوردی ل مۆسکۆیا پایتەختێ ڕووسییا دامەزراند ئەو وەکە بەرپرسیارێ وێ ناڤەندە ڕەوشنبیری هاتە دەست نیشان کرن.
پڕۆفیسۆر شاکرۆ پتر ل 20 پەرتووک و نامیلکەیێن جۆربجۆرێن خوە هەنە کوو هاتییە چاپ کرن.
پڕۆفیسۆر شاکرۆ خەڵاتا زێڕین یا پیرەمێرد ل ساڵا 2004ێ دە ل مەڕاسیمەکێ هونەری کوو ل باژێڕێ #سلێمانی#ێ هاتبوو ساز کرن وەکە ڕێز لێ گرتنەک ژ ویڕە هاتە پێشکەش کرن.
ڕوژا پێنجشەممێ و ل ڕێککەفتا 1ێ مەها ددوویان یا ساڵا 2007 ێ پڕۆفیسۆری مەزنێ کورد شاکرۆ خدۆ محۆ ل نەخوشخانەیەکە باژێڕێ مۆسکۆ وەغەرا دوایێ کر.[1]