ناڤ: چرکیز
ناسناڤ: چرکیزێ ڕەش
ناڤێ باب: ڕەش
ڕوژا ژدایکبوونێ: #25-08-1955#
ڕوژا وەغەرا داویی: #20-03-2008#
جهێ ژدایکبوون: #یەریڤان#
جهێ وەغەرا داویی: یەریڤان
$ژیاننامە$
ل ساڵا 1955 ل گوندێ #زڤارتنۆڤس#، نزیک باژێڕێ یەریڤان ژدایک بوویە و خوەندنا سەرەتایی و ناڤەندی لڤی گوندەی تمام کرییە.
چرکیزی ڕەش: ل ماڵباتەکە ئێزدی بوویە، ل ساڵا 1970 ل زانینگەها پەروەردەیی یا یەریڤانێ دەست ب خوەندنێ کرییە، ل ساڵا 1975 باوەڕناما باکالۆریۆسێ بدەست خوەڤە ئیناندییە. هەر لوێ ساڵێدە تێزا ئەدەبا کوردی پێشکەش ب نڤیسەرێ ناڤدارێ کورد #حاجی جندی# کرییە. حاجی جندی وەکە ماموستایێ ڕەوشنبیران دهاتە ناس کرن، هەڤکارییەکە باش کر هەیا ل ساڵا 1980 باوەڕنامەیا دکتۆرایێ بدەست ئینا و ل هەمان زانینگەهێ بوویە ماموستایێ زمان و ئەدەبا ئەرمەنیی. هەروەسا پەرتووکەکە شیعری ب ناڤێ (Şoreşa Peyvan) چاپ و بەڵاڤ کرییە و وەرگێڕان ژبو 3 پەرتووکێن #عەبدوڵڵا ئوجەلان# کرینە.
پەرتووکەکە دن ب ناڤێ: (Ezdayetî ) کو ژ ئالێ فیدراسیۆنا ئێزدی ئەوروپی ڤە هاتیە ئامادە کرن، وەرگێڕایە بو زمانێ ئەرمەنی. نێزی دﮪ ساڵان سەرنڤیسەرێ ڕۆژنامەیا #مەزۆپۆتامیا# و میکاگێت بوویە کو ب زمانێ کوردی و ئەرمەنی ژبو کوردێن ئەرمینیایێ دهاتە بەڵاڤ کرن. هەروەسا ب دەهان گوتار و بەرهەم ل ڕوژنامەیێن کوردی و ئەڕمەنی دە دەربارێ زمان و ئەدەبا کوردی بەڵاڤ کرینە و پشکدارییا کۆڕ و سەمینارێن تایبەت ب زمان و کولتوورا کوردی دکر.
ل ساڵێن هەشتێ یا ب مەرەما پاراستنا مافێ زمان و کولتوورێ کوردی ل ئەرمینیایێ، ژبو هەیامەکی بەرەف ڕووسیا چوو. لدەمێ چالاکی یێن کوردستانا سووردە، دگەل زمانناس (#عەزیز مامۆیان#)، وەکە وەزیرێ پەروەردەیێ هاتە دەستنیشان کرن. پشتی تێکدان و لناڤچوونا #کوردستانا سوور# (1992)، دەست ب کارکرنێ ژبو ناسنامە و مافێن کولتووری یێن کوردێن ئاکنجی لسەر خاکا یەکێتیا سۆڤیەتا بەرێ. پشترە خەباتا ئازادییناسی و هەوڵا وێ چەندێ دا کوو سەبەبێ کۆمەڵکوژی یێن دژبەری ئێزدیان بزانیت کو هەیامەکێ زور ژئالێ کوردێن موسڵمان هێرشا سەر وانا دهات کرن و دهاتنە جینۆساید کرن و بڤی ئالیەی کارێن مەزن ل بەرەڤ پێش برنا (زانیاریێن نشتیمانی) کرن. هەروەسا وەکە نینەرێ #کوردێن قەفقاز# بوویە و دناڤبەرا ساڵێن 2002 ژبو 2007ێ سەروکایەتیا لیژنەیێن کوردستانی کرییە، کو بهەمان ئالی ڕوڵا ئەنجوومەنا هەرێمی دیتییە و دامەزراوەیێن کوردی ژی ل ئەرمینیایێ ل بن سێبەرا ڤێ لیژنەیێدە کارێ خوە کرییە.[1]