دەم بازە، سەر سڵامەتەن
مەتاومی بواچمۍ سەرچەمەو فرەو ئا گرفتا کە توشو مروڤی مەیان، دەمەن، ئانەی دەم واچۊش (دەمواچ) یا خاسەن، یان خرابەن، یان وەش هەن، یان گولەن، مەشۊم ئینسان وەختو قسەکەردەینە هاگاڎارو وېش بۊن، بزانۊ چەنی قسۍ مەکەرۊن، چکۊ قسۍ مەکەرۊن، چوونکوم قسۍ هەم چەنی بېیەی، هەم چکۊبېیەیش هەن، چەنی بېیەی یانی بە چ تەرزێ و بە چ ئەدەبێ قسۍ کەرین، چکۊبېیەی یانی ئا یاگۍ هەکە قسېش چەنە کەرین کۊگەن، ئا قسۍ مەکەریش پەی ئاگەی مشیۊن، گونجیۊن؟
ئا مروڤی هەکە بە بۍ بەرنامە وېشاوە قسۍ مەکەران و فڕە مڎان، گرڎ چېو ماچان، ڕەنگە قسێ پەنهانیە دلۍ دڵینە شاریێ بۊوە، بەڵام فرە واتەی مەبۊن بە هۊکارو درکنای قسە پەنهانیەکاو کەسەکەی توشو گرفتێ گۆرەی مەکەران، فرەو جاری گرفتی کۊمەڵیش چەنە مەبۊوە، ڕەنگە ۋنیش چەنە مجیۊ، گەر ئا قسۍ پېوەڼییش بە شەرەف و نامووسو خەڵکیۆ بۊن.[1]