ناڤ: محەمەد
ناڤێ بابی: مارف
ناسناڤ: ڕەمزی
جهێ ژدایک بوونێ: سليمانی
ساڵا ژدایک بوونێ: 1902
جهێ وەغەرا داویی: سلێمانی
ڕوژا وەغەرا داویی: #18-07-1976#
$ژیاننامە$
محەمەد مەلا مارف ل ساڵا (1902) ل باژێڕێ سلێمانیێ ژدایک بوویە، ل ژیێ پێنج ساڵیێدە کەتییە بەر خوەندنا حوجرەیێ و ل حوجرەیا مەلا سەعیدێ زەڵزەڵی قورئانا پیرۆزی ختم کرییە، چەند پەڕتووکێن ب زمانێ فارسی وەکە سمایلنامە و گوڵستان و بوستانا شێخێ سەعدی و دیوانا حافزێ شیرازی خوەندینە، پشتڕە ل ژیێ 9 ساڵیدە ب نەچاری چوویە خوێندنگەها ڕوشدییە یا سەربازی، لێ بەلێ پشتی هەیامەکە کورت وێرێ بجێ هێلایە و چوویە خوەندنگەها ئامادەیا موڵکی ژبەر کوو ئێکانەیێ بابێ خوە بوویە و نەخواستییە ژێ دوور بکەڤیت.
ژبەر زیرەک و ڕەوشت باشی و ڕاستگۆییا خوە هەمی ساڵێ و د هەمی قوناغێن خوەندنێ پلەیا ئێکەم بدەست خوەڤە ئیناندییە، لبەر ڤێ چەندێ ماموستایێن وی ناسناڤێ (ڕەمزی) دابویێ.
ڕەمزی پشتی کوو پولا چارێ یا خوەندنێ تمام دکەت ل خوەندنگەهێ دهێتە دەرڤە و دچیتە بەر خوەندنگەها نافەرمی و دەست ب خوەندنا سەرەتایی یا زانیاری یێن ئاینی دکەت، هەیا دەمێ کوو ئیراق ژ ئاکێ ئینگلیزان ڤە دهێتە داگیر کرن و دێ پەیوەندیێ ب شێخ مەحمود ڕە بکەتن، گەلەک جاران هاتییە دەستەسەر کرن و تویشی نخوەشی و نەهامەتییان هاتییە ژئاڵێ ئینگلیزان ئانکو ئەوێن کوو بکرێ گرتیێن وانا بووینە و چەند جاران ژی مالا وانا هاتییە تاڵان کرن.
ل حوزەیرانا ساڵا (1927) بوویە فەرمانبەر (تەمسیلدار)ێ فەرمانبەرایەتیێ ل وەزارەتا دارایی هەیا کوو ل ساڵا (1961) دا هاتییە خانەنشین کرن.
ل ڕێکەفتا 18-07-1976 ب نەخوەشیا پەنجەشێرێ وەغەرا داویێ کرییە و ل #گردێ سەیوان# یا باژێڕێ سلێمانیێ هاتییە بخاک سپاردن، هەلبەستڤان برێژی کاروانێ ئەدەبا کلاسیکی لدەف #بێخود# (#مەلا مەحمودی موفتی#) خاڵێ خوە بوویە، هەر ئەو بخوەژی لسەر عیلم و مەعریفەتێ چاڤدێریا وی کرییە هەیا کوو بوویە یێک ژ شەهرەزایێن ڤێ زانیارییێ، تەنانەت توو هەلبەستەک نینە کو ل ئاریشەیێن عەرووزێ دەرچوو بن، ل ناڤا ئەدەبیاتا سەردەمێ خوەدە بە (باڵ) یێ بەرنیاس بوویە هەیا وێ چەندێ کوو #پیرەمێرد#ێ شاعر ناسناڤێ (ملک الشعراء) پێ بەخشییە.[1]