ناڤ: فازڵ
ناسناڤ: فازڵ میرانی
ڕۆژا ژ دایکبوونێ: #01-07-1948#
جهێ ژ دایکبوونێ: #موسڵ#
$ژیاننامە$
فازڵ موتنی میرانی یێ بەرنیاس ب فازڵ میرانی، سیاسەتمەدارەکێ ناڤدارە ل #کوردستانا باشوور#، ل ساڵا 1948ئان دە ژدایک بوویە، بەرپرسیارێ دەستەیا کارگێڕییا مەکتەبا سیاسی یا پارتیا دەموکراتا کوردستانێ یە.
میرانی ل یەکا تەمووزا ساڵا 1948 ل باژێڕێ مووسڵی ژدایک بوویە، باوەڕناما باکالۆریوسێ ل بەشا یاسایا کۆلێژا یاسا ل زانکۆیا سەڵاحەدین ل باژێڕێ #هەڤلێر#ێ ب دەست خوەڤە ئانییە. شارەزاییەکا ب تمامی ل زمانێن کوردی و عەڕەبی و تورکی و فارسی و ئینگلیزی هەیە. ل ساڵا 1966ئان دە و د ژیێ 18 ساڵیدە تێکەلی ڕیزێن شوڕەشا ئازادیخوازا کوردستانێ و #پارتی دیموکراتی کوردستان#ێ بوویە، هەر د وێ ساڵێدە بوویە کادرێ ناڤچەیا زوممار یا (پ. د. ک)ێ و پشتڕە ل ساڵا 1967ئان دە ژبو بەردەوامی دان ب شوڕەشێ پەیوەندی ب ڕێزێن پێشمەرگەهێ کوردستانێ و خەباتا چیایان کرییە، دناڤا پارتی دە هێدی هێدی بەرەف پێش چوویە و پلەیێن جور ب جور وەرگرتینە، ل ساڵا 1975ێ دە بوویە ئەندامێ مەکتەبا ناڤەندییا ڕێکخستن ل مەکتەبا سیاسی و پشتی ڕێککەفتن ناما جەزائیر وەکە جەماوەرەکێ بەرچاڤێ گەلێ کوردستانێ ژیانا دەربەدەریێ هەلبژارت و بەرەف وڵاتێ ئیرانێ کەتنە ڕێ، لوێرێ ژیک تەڤی پارتی یێ بەردەوام بوو و پوستێن حزبی وەرگرتینە، پشتی ڕاپەڕینا دیروکییا گەلێ کوردستانێ ل ساڵا 1991ئان دە ڤەگەڕیایە کوردستانا باشوور، ل کابینەیا حکومەتا هەرێما کورستانێ پۆستێ وەزیرێ ناڤخوە ژبو ماوێ 5 ساڵان ل ساڵا 1996 هەتا ساڵا 2001 وەرگرتییە، هەروەسا وەکە سەرپەرشتیارێ دەزگەها هەواڵگرییا پارتی ئانکو پاراستن کار کرییە، ل ساڵا 2004ێ دە هەتا ساڵا 2022 وەکە سکرتێرێ مەکتەبا سیاسیا پارتیا دەموکراتا کوردستانێ کارێ خوە کرییە، پشتی لناڤ چوونا رژێما دکتاتوورا عیراقێ ناڤێ وی دناڤا کاندیدێن سەروکاتییا کومارا عیڕاقا فەدەڕاڵدا هاتییە، دڤی دەمەیدا و پشتی کونگەرەیا 14ەمینا پارتی کو ل باژێرێ دهوکێ هاتە ئەنجام دان میرانی وەکە بەرپرسیارێ دەستەیا کارگیڕییا مەکتەبا سیاسییا ڤێ حزبێ هاتە هەلبژارتن.[1]