$Kurtejiyan:$
Helbestvanên Kurd Hemê #Kobanî# di dîroka 03.03.1967'an de li gundê Minazê ya girêdayî kobaniya ser bi #Rojavayê kurdistanê# hate dinyayê. Dibistana seretayî Kobanî xwend, lê ji ber şert û mercên jiyanê nekarî xwendina xwe bi dawî bike. Ew zewicî ye û xwediyê heft zarokan e. Hemê Kobanî bi xwe dirûnkar e, lê girêdana wî ya bi çand, folklor , wêjeya gelêrî re gelekî xurt e. wî bi sedan çîrok û çîrvanokên kurdan yên gelêrî ezber kirine. Gelek caran di çalakiyên zarokan de ji wan re çîrokên devokî yên bav û kalan dibêje. Li rex vê yekê ew di warê helbestê de xwedî hunereke cêwaz e, erê rast e xwe bi xwendin û nivîsênê nizane, lê paşxaneya wî ya devokî xwedî balkêşiyeke wisa ye ku helbesan di binhişên xwe de dinivîse û ezber dike. Gelek caran ji bo ku ew helbest ji wendabûnê werin parastin nas û dostên nêzî wî ew helbestên wî jê re derbas ser kaxezan dikin.
$Berhem:$
Ew zêdetirî bîst sal berê dest nivîsandina helbesta kurdî kiriye, heta niha derdora 200 helbest nivîsandine û gelek ji wan ezber kirine. Helbestên wî bêhtirî xwe welatparêzî û netewî ne, hinek ji wan girêdarî şoreş û dîrok kurd û kurdistanê ye, hinek ji wan jî li ser evîndariyê, bajar, zarok û xwezayê jî di nava xwe hildigire. Her wiha hemû tekstên helbestên wî bi rêbazekî klasîkî, bi qafiye û rîtim hatine hûnandin. Wî bi xwe ne wêjeya kurdî xwendiye û ne jî derbasî tu perwerdeyên wêjeyî bûye, lê ji ber ku ew ji malbateke xwedî paşxaneyeke çand û hunerê ye, wî karibû vê mîraza çandî û helbestî ji dayîka xwe werbigire.
Vê dawiyê jî bi alîkariya nas û dostan xwe fêrî zimanê Kurdî dike û zimanê xwe bi pêş ve dibe. Ew bi xwe li gelek helbestên helbestvanên kurd guhdarî dike, lê ya herî bêhtir ku guhdarî dike û bandor lê kiriye ya Perîşanê Kurd e.
Ew gelek caran li ser dikên şahiyên netewî yên mîna newrozê beşdar bûye û tê de helbestên netewî li ser kurd û kurdistanê pêşkêş kiriye. Herî dawî jî helbestên xwe komî ser hev kirin û jê dîwaneke helbestê bi navê ''Dîlber'' ava kir ku ew ê di demeke nêz de çap bike.
Ew niha cihê xwe di navenda çand û hunera Baqî Xido de digire. [1]