کاکە ئەحمەدی شێخ ئەو قوتب جیهان
تەبلیغش کەردەن بە موعتەقیدان
پەی تەسهیل حەل عوقدەی موشکیلات
دە ئیستیعازە جە دە موهلیکات
بە موریدان وێش وەی تەور کەردەن عەرز
ئەورادتان بۆ جە دمای هەر فەرز
استعاذه به ذات اقدس الهی
پەناهم بە تۆن «الله اکبر»
حیفزم کەر نە شەڕ هەر قەزا و قەدەر
پەناهم بە تۆن حەیی ڕەببانی
حیفزم کەر نە شەڕ نەفس شەیتانی
پەناهم بە تۆن «ربّ العالمين»
حیفزم کەر نە شەڕ زولم سەلاتین
پەنام دەر بە لوتف «علیّ الاعلی»
حیفزم کەر نە شەڕ هەر دەرد و بەڵا
پەنام دەر بە لوتف عەزیم سوبحان
حیفزم کەر نە شەڕ بەستەی هەر بوهتان
پەنام دەر بە لوتف زات بێچوونی
حیفزم کەر نە شەڕ فەقر و مەدیوونی
پەنام دەر بە لوتف زات «ذو الجلال»
حیفزم کەر نە شەڕ سەدەمەی دەججال
پەنام دەر بە لوتف بێ ئەمساڵ فەرد
مەحفووز کەر ئەعزام نە هەر وەجع و دەرد
یاڕەبی چون فەزڵ تۆم کەردەن پەنا
حیفزم کەر نە شەڕ «جميع الأعداء»
پەنام دەر بە لوتف مونعیم! وە ڕەحمەت
حیفزم کەر نە شەڕ فیتنەی هەر زیللەت
ها، ئیستیعازەی «فەقێ» بی تەمام
بەر موحەممەد بۆ سەلات و سەلام
#فەقێ قادری هەمەوەند# [1]