تۆرا لالش:
فریال سائیب،کچەکا ڕزگاربوویا ئێزدی یە ل سالا 2014ێ ژلایێ تیرۆرستێن #داعشێ# ڤە ل شنگال هاتە گرتن، ل سالا 2017ێ ل بن دەستێن داعش ڕزگاربوو،نۆکە کارێ هۆنەری دکت و بۆ باسنیوز دبێژت:ل بن دەستێن تیرۆرستان دا زۆر نەخۆشی دیتن و بزاڤێ دکەم ب ڕێیا هۆنەری ئازارێن خۆ و کچ و ژنێن ئێزدیان بۆ جیهانێ دیار و بەرچاڤ بکەم.
زێدەتر گۆت:هەستەکێ نەخۆش د دلێ مەدایە و نکارین ئەوی هەستێ نەخۆش بۆ کەسێن بەرامبەری خۆ دەرببرین،لەوران ب ڕێیا تابلۆیان نەخۆشێن ل بن دەستێن تیرۆرستێن داعشێ مە دیتین دیار دکەم، پشکەکا زۆر ژ کچ و ژنێن ڕزگاربوویێن ژ دەستێ تیرۆرستێن داعش سەرەدانا سەنتەرێ چارەسەریێ و پشتەڤانیا کچ و ژنان ل دهۆکێ دکن و د وی سەنتەری دا مژوولی کارێ هۆنەری دبین و ب وێ ڕێ دەمێ خۆ د بۆرینین، ب ڕێیا هۆنەری نەخۆشیان د دل و هزرێن خۆ دا دەردکەین.
ئاشکەراکر ژی ماوێ سێ سال و پێنچ هەیڤان ل بن دەستێ ڕێکخراوا تیرۆرستیا داعشێ دا بووم،ل وی دەمی هێشتا تەمەنێ من یێ بچوک بوو تیرۆرستان ژ خێزانێ خۆ ڤەقەتاندم و گرتم،هەموو ڕۆژێن ل بن دەستێ تیرۆرستێن داعش د نەخۆش بوون و پشتی ڕزگاربوویم بەردەوام ورە و هیڤی من ب خۆ ددا و هەردەم خۆ ب گەشبین دبینم و بزاڤێ دکەم ب ڕێیا هۆنەری نەخۆشیان ژبیر بکەم.
هەروەسا دیارکر،خێزانا مە ژ 40 کەسان پێکهاتبوو و تیرۆرستێن داعش ئەم هەموو پێکڤە دەستەسەر کرین و گرتین،نۆکە ژی هەشت کەس ژ خێزانا مە دیار نینن،لەورا داخوازێ دکەین چارەنڤیسێ کەسێن بێ سەر و شوون بێتە ئاشکەراکرن.[1]