داستانۊ شېخی سەنعانی
بەشۊ نۊهەمۍ
شېخی سەنعان بەبۍ دوەدڵی شەرتەکۍ (تەرسا)یش قبووڵ کەردۍ. شېخ وەڵامو مەعشووقەکېش داوە و واتش: من بەندێوە وەردەسەنا، بەندە فەرمانەنا، چېش ماچۍ قبووڵەن، سەرەم نە خاکی پاتەن.
سەنعان وات پەنە: بەندە فەرمانم
هەرچی مەواچی، کۊچی قوربانم
(تەرسا) جامێ مەی گرت بە دەستەوە
بە سەڎ لەنجەولار، دیڎەی مەستەوە
بەردش پەرێ شېخ، بە دڵوازەوە
واتش بنۊشە، بە ڕووی نازەوە
سەنعان هۊرېزا جامش سەند نە دەست
بووسا یاگە دەس، نیگاری سەرمەست.[1]