دەقی پەیامەکەی جوان ئیحسان فەوزی:
هەواڵی لەدەستدانی شنیار خەمبارو دڵتەنگی کردم، بەتایبەتی کە بەتاوانێکی قێزەون و دڕندانە گیانی لەدەستدا، ئەم ڕوداوە کۆستێکی ترە بۆ هەموولایەک و شەرمەزارییە بۆهەموو ئەولایەنانەی کەبەکردار ڕێگە لەم تاوانانە ناگرن و لەسەردەمێکی وەک ئەمڕۆدا کەلەساڵی (2022) داین و کەسانێکی دڕندە دەستیان دەچێتە خوێنی کەسانی بێ تاوان. داواکارم له پسپۆران بە (سیاسیەی جینائی) دا بچنەوە و چاوێک بەسزاکاندا بخشێننەوه، چونکە ڕێژەی تاوانکردن لەکۆمەڵگە لەبەرزبوونەوەدایه و تاوانباران زۆر بێباکانە و بێ سڵەمینەوە دەستیان داوەتە تاوانکردن، لێرەوە داوا لەپەڕلەمانی کوردستان دەکەم لەڕێگەی فراکسیۆنەکانی ولیژنە تایبەتییەکانییەوە بەدواداچوون بۆئەم جۆرە تاوانانە بکەن، بارودۆخەکە بەره و مەترسییەکی زۆر دەڕوات، بەڕێز جێگری سەرۆک وەزیران جەنابی کاک قوباد تاڵەبانی ڕۆڵێکی گرنگی بۆبەدواداچوون لەم جۆرە کەیسانەدا هەیە بەڵام پێویستە هەموو ئه و کەسایەتی و لایەنانەی کاریگەریان لەسەر بڕیار هەیە ڕۆڵێکی گرنگیان هەبێت و بێدەنگ نەبن، لەبەرئەوە ئەم کێشانە دووبارە دەبنەوە و پێویستە بنەبڕبکرێت، لێرەوە پرسه و هاوخەمیم ئاڕاستەی کەس وکارو بنەماڵەی شنیار خان دەکەم لەپەروەردگار داواکارم سەبوری و ئارامیان پێ ببەخشێت وهەرچی زووە تاوانبار سزای یاسایی خۆی وەربگرێت.
دکتۆر جوان ئیحسان فوزی
ئەندامی مەکتەبی سیاسی یەکێتیی نیشتمانیی کوردستان[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!