ئەمڕۆ ناوەندی ڕاگەیاندنی هێزەکانی پاراستنی گەل- #هەپەگە#، لەسەر چالاکیی گەریلاکانی دژی سوپای داگیرکەری تورک لە چیای جودی و هەروەها شەهیدبوونی دوو هاوڵاتیی مەدەنی لە خواکورک، ڕاگەیەندراوێکی بڵاوکردەوە.
لە ڕاگەیەندراوەکەدا هاتووە: لە چوارچێوەی هەنگاوی تۆڵەکردنەوەی شەهید مەدیا ماوا و شەهید ڕزگار گەڤەر، هێزەکانمان ڕۆژی 28ی ئەم مانگە کاتژمێر 03:50 خولەکی دوانیوەڕۆ لە ناوچەی نێوان گردەکانی بێسپن و چەلێ خوشک و برا لە چیای جودی دژی سوپای داگیرکەری تورک چالاکییان ئەنجامدا، لە چالاکییەکەدا گورزی قورس لە مۆڵگە و حەشارگەکانی دوژمن وەشێندرا، بەڵام ژمارەی کوژراو و بریندارەکان ڕوون نەبووەتەوە، دوای چالاکییەکە سوپای داگیرکەری تورک بە چەکی قورس ئەو دەوروبەرەی تۆپباران کرد، دواتریش بە هێلیکۆپتەر سەربازە کوژراو و بریندارەکانی دوور خستەوە، یەکینەکەمان بە سەلامەت و سەرکەوتووانە گەیشتەوە بارەگای خۆی.
هێرشی ئاسمانی
لە بەردەوامی هاتووە: ڕۆژی 27ی ئەم مانگە کاتژمێر 04:30 خولەکی ئێوارە، فڕۆکە جەنگییەکانی سوپای تورک دەشتی نەحلە لە گابار، مەیدانی مەرڤانۆس لە ئاڤاشین و مەیدانی گۆشن و بەربزن لە خواکورکیان بۆردوومانکرد.
شەهیدبوونی دوو هاولاتی ڕۆژهەڵاتی
لە کۆتاییش هاتووە: لە ئەنجامی بۆردوومانەکاندا، زیانێک بەر هێزەکانمان نەکەوتووە، بەڵام لە ناوچەی خواکورک لەسەر سنووری ڕۆژهەڵاتی کوردستان، دوو هاوڵاتی مەدەنی بە ناوەکانی ڕەشید میرۆیی و فاخر تازەوارد لەلایەن سوپای داگیرکەری تورکەوە شەهید کران، لەم هێرشەدا سوپای تورک بە زانابوون ئەو هاوڵاتیانەی کردە ئامانج، سەرەخۆشی لە خانەوادەی ئەو هاوڵاتیانە و هەموو گەلی وڵاتپارێزی کوردستان دەکەین.[1]
#29-04-2020#
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 1,486 defa görüntülendi
Bu makale hakkında yorumunuzu yazın!