بە پێی ئەو هەواڵەی کە کۆمەڵەی مافی مرۆڤی کوردستان لە بڕواری 1/5/1396ی هەتاوی بڵاوی کردەوە، زیندانی سیاسی #کەیوان حوسەین پەناهی# بە شێوەی کاتی ئازاد کرا.
لە هەواڵەکەدا هاتوە کە ئەحمەد و زوبەیر حوسەین پەناهی هەناردەی زیندانی ناوەندی شاری سنە کراون بەڵام دیسان هەواڵێک لە ڕامین حوسەین پەناهی نییە.
هەر لەو پەیوەندییەدا دوو ئەندامی ئەو بنەماڵەیە بە ناوی ئەفشین و عەباس حوسەین پەناهی لە دەستبەسەری وەزارەتی ئیتلاعاتدان. بە پێی ئەم ڕاپۆرتە لە ببڕواری 2/4/1396 هەتاوی لەدوای هێرشی سپای پاسدارانی کۆماری ئیسلامی ئێران بە ترۆمبیلی ڕامین حوسەین پەناهی، ناوبراو دوو فیشەکی بەردەکەوێت و دواتر دەستبەسەر دەکرێت و هەرچەن پێویستی بە نەخۆشخانە و تیمار کردن هەبوو لە دەستبەسەری و شوێنێکی نادیاردا ڕاگیراوە. لە دوای ئەو ڕووداوە وە هێزە ئەمنییەتیەکان دەستیان دایە قۆڵبەسکردنی ئەندامانی بنەماڵەی حوسەین پەناهی و ئەم کەسانەیان دەستبەسەر کرد کە بریتی بوون لە، ئەفشین، زوبەیر، ئەحمەد، عەباس، و کەیوان حوسەین پەناهی.
تۆمەتی ئەم کەسانە پەیوەندی دراوە بە تێکهەڵچونەکانی پوشپەڕی مانگی ڕابردوەوە کە لە نێوان ئەندامانی حیزبی کۆمەڵە و ئەندامانی سپای پاسداراندا پێشهات.
زۆر ڕوون و ئاشکرایە کە کۆماری ئیسلامی لە دوای ئەم چەندساڵەی دەسەڵاتەکەی، هەردەم بە بیانوی داتاشراو و ناڕوون سەرکوتی خەڵکی ڕۆژهەڵاتی کوردستانی کردوە و کردوە و پێشێلکردنی مافی هاوڵاتیانی پەیڕەو کردوە کە ئەشکەنجەی دیلێکی بریندار و دەستبەسەری ئەندامانی بنەماڵەکەی(حوسەینپەناهی) یەکێکە لە هەوڵە سەرکوتکارانەکانی حکومەت دژی گەنجانی کوردە.
کۆمەڵەی مافی مرۆڤی کوردستان
24-07-2017