سەعید عیبادەتیان (لەدایکبووی 1963 لە گیەڵان، پارێزگای #کرماشان#) بە نازناوی بانان، هەڵبەستوانێکی کوردزمان و لە پێشەنگەکانی هەڵبەستی کوردیی باشووریە.
$ژیان$
سەعید عیبادەتیان لە ساڵی 1963 لە شاری گیەڵان لە پارێزگای کرماشان لە دایک بوو. لە تەمەنی 12 ساڵی یەکمین هۆنراوەی هوێندووەتەوە. عیبادەتیان وەکوو کارمەند لە مەزرینگەی کاروباری عەشیرەتەکانی شارۆچکەی گیەڵان کار دەکات و لە دەساڵانی 1980ی زایینیدا لە بواری وێشەی کوردیدا بە شێوەیەکی پیشەیی و سوێڕ دەستی بە چالاکی کردووەتەوە. سەعید عیبادەتیان نازناوی بانانی بۆ خۆی هەڵبژاردووە ک لە دیالێکتی کوردیی باشووریدا بە واتای داهاتووە. کارەکانی عیبادەتیان لە ژماری گرینگترین و بەرچاوترین هەڵبەستەکانی کوردی لە دیالێکتی کوردیی باشووری بە ئەژمار دێت و تا بە ئێستاکە بە هیچ زمانێکی دیکە وەرنەگێڕاوەتەوە.
#شێوازی هەڵبەست#
لە هەڵباستەکانی سەعید عیبادەتیان پڕن لە ڕازە وێژەییەکانی بۆ وەسفکردنی سرۆشت و بەکارهێنانی هێمانەکانی سرۆشتی بۆ گەڕاندنەوەی ماناکان. بەم هۆیە عیبادەتیان وەکوو هەڵبەستوانێکی ڕۆمانتیک دەستەبەندی کراوە کە لە هەڵبەستی سوننەتیی کوردی جیا بووەتەوە و هەم لە مانا و هەم لە فۆرمەکانی قەبوولکراوی هەڵبەستی سوننەتیی کوردیی باشووری، دەستی بە نۆژەنی و داهێنەری داوە.
#بەرهەمەکان#
کۆمەهەڵبەست
عیبادەتیان، سەعید، هە لە لام بۊد گومد کردم (هەر لە لامدا بووی، ونم کردت)، کرماشان، 2009.
عیبادەتیان، سەعید، ساڵەیل لە کیس چی (ساڵەکانی لە دەس چوو)، تاران: هەمایش دانش، 2011.
نموونەی هۆنراوە
هلوور ملوور دەنگ بلوور
لە بن دنیاێ دۊرەو تیەم
لە تیەریکی بێ نۊرەو تیەم
لە وڵات خاپۊرە تیەم
هلوور ملوور دەنگ بلوور
لە پاێ دار بەرز کولوور
خوەراواسەو زام ناسوور
نیشم، ئۊشم، گیرم، خەنم
تووژێگ لە ڕۊ دنیا کەنم
دنیا ڕنگ و ڕەیشتانەسە
باقی واتەو ئەوسانەسە
دەسەیل پڕ مەکر و دەسان
بنیاێ دنیا وە هۊچ بەسان
ڕێوار قەێ تاش بێ ڕێ
شیشەێ ئومر دنیا ها پێ
هلوور ملوور دار واێەم
شنەێ وا تێ ونەێ ئاێەم
ئاێەم چوود و ونەێ مینێ
نەقشێ لە قەێ زنەێ مینێ
ئاێەم کەپوو پایزانە
وەیلان ڕۊ جادەگانە
شەو سەردێ زاناێ شەکەت
مرد و ڕاز ئاڵەم نەوەت
هلوور ملوور مەلەوەرێ
پایزەو لە کەلەوەرێ
لە ژێر دار بێ بەرێ
نیشم، ئۊشم، گیرم، خەنم
لە سەد مەقام بلوور ژەنم
بلوور دەنگ ئەژدادمە
دادم نییە بێدادمە
$وەرگێڕان$
گارسیا لۆرکا، فێدێریکۆ، تەنیا داخە ک ئاخ کیشێ (هەربەتەنیا داخە کە ئاخ هەڵدەکیشێت)، وەرگێڕ سەعید عیبادەتیان (بانان)، ئامادەکردنی کارزان سەنایی، تاران: داستان، 2016.
#ئەلبوم#
مەیلەم وە جێ(بە جێم مەهیلە)، مۆسیقادانانەوە و ڕێکوپێککردن لە عەبدوڕەزا تەنهایی، دەنگبێژ قوباد پاکنیژاد، بنکەی چاند و هونەری هەزارئاوای چەکامە.
داخ دەوران(داخی سەردەم)، مۆسیقادانانەوە و ڕێکوپێککردن لە خەشایار ڕەشیدی، بە ئاریکاریی گرووپی تەمبوورژەنەکانی چەنگی ڕام، بەشکۆی سروەی تەمبوور.
تەنیا داخە ک ئاخ کیشێ (هەربەتەنیا داخە کە ئاخ هەڵدەکیشێت)، دیکلەمەی هۆنراوەکانی لۆرکا، وەرگێڕ سەعید عیبادەتیان، ڕێکوپێککردن لە مۆحسن سەفاریان.
ژەنیار شەوێ (ژەنیاری شەو)، مۆسیقادانانەوە و دەنگی خەشایار ڕەشیدی، هاوژەنیاریی گرووپی شاخوەشین.