پاش ئەوەی بە مەبەستی ئەنجام دانی کەمپێکی مەشقی ڕوویان لە شاری #سلێمانی# کرد، یانەی پێشمەرگە وەک نەریتە هەمیشەییەکانی و هاوکاریە بەردەوامەکانی، دەرگای یاریگەکانی بە ڕووی تیمی تۆپی پێی یانەی کەرخ کردەوە.
ئەمە و پاش ئەو هەڵوێستەی یانەکە، دەستەی کارگێڕی یانەی کەرخ سوپاسی تایبەتیی حاکم #مەحمود ئەحمەد موراد# جێگری سەرۆکی یانەی پێشمەرگە دەکەن بۆ ئەو هاوکارییە و هەروەک یانەی پێشمەرگەیان بە دامەزراوەیەکی گرنگ لەسەر ئاستی ئێراق وێنا کرد.
لە بڵاوکراوەیەکی یانەی کەرخ هاتووە کە حاکم مەحمود ئەحمەد وەک هەمیشە و بە گرنگییەوە لە وەرزشی ئێراق و ژێر خانی وەرزشی وڵات دەڕوانێت و جیاکاری لەنێوان یانەکان ناکات هەر بۆیە بە سوپاسەوە سەیری ئەو هەڵوێستە جوانەی دەکەن و دڵسۆزییەکانی بەرز دەنرخێنن بۆ خزمەت بە وەرزش و وەرزشکاران و یانەکان بێ جیاوازی. [1]