ژەنی هەنەو ژانیچ هەنە
ژانی، بە ماناو ئېش و ئازاری مەی، پەی نموونەی ماچمۍ سەرەم ژانی کەرۊ، یانی سەرەم مېشۊ.
بڕێ ژەنی وەختێ شوو مەکەران و ملانە یانە و حاڵو وېشان مەبانۍ بە مایۍ خێری پەی مېردەکاشاو هەم چواردۆرەکاشا، حورمەتو مېردەکاشا گېران، ئاگاشان ئینان چەنەنشان، بە دڵو ئاڎییشا هۊرزا و منیشان. ئا جۊرە ژەنۍ ئینێ دلۍ دڵو مېردەکاشانە، وەشېشان مسیان، شانازیشان پۆوە کەران، بە مانای هەرەقەتینە ئانۍ ژەنینی. بڕێ تەر ژەنی هەنۍ وەختێ ملانە یانەو مېردەکاشان مەبانۍ بە ئایېرو مەگنانە گېیانشان، هیچ ئاگاشان جە دڵو مېردەکاشان نېیەن، خەریکۍ دەمەدەمۍ و جەنگ و ئاژاولانی، قینیشا یانە هەسوراشان مێ، حورمەتشان نمەگېران، مایۍ سەر ئېشەینی پەیشان، هەر پەوکەی واتەنشان ئا جۊرە ژەنی ژانینی، یانی ئیش و ئازارەنۍ پەی سەرەو مېردەکاشان.[1]