هەر وېت بە وېت بی
ئی ئیدیومۍ پېسەنە جۊرە نزێوە یام دۊعێوە سەردۍ،
ئینسان هەر وېشەن، نمەبۊ بە یۊ تەر، گرڎ ئینسانێ پەی وېش جیاوازەن، کەسی نمەشۊ. ئی ئیدیۊمۍ بە کەسێ خرابی ماچان، یام کەسێ تەبېعەت نزمی، ماچان هەر وېش بە وېش بۊ، یانی ئڼە بۍ ئەرزشەن هیچ کەسێ پاسە نېیەن، مەر هەر وېش پېسە وېش بۊ.
فرەو جاری ئەڎا بە زاروڵەکاش یام زارۊڵێوەش ماچۊش، ئڼە تووڕېش کەرۊن، عەزیەتش مڎۊن، ئاڎیچە تووڕۍ مەبۊن و پەنەش ماچۊ بزیەرە هەی هەر وېت پېسە وېت.
بڕێ جارېچ مېیانو دوۍ هامڕایانە یام ڕەفېقانە واچیۊن، پەی گاڵتەی بە یۊترینیش ماچان.
ماناو ئیدیومەکۍ پاسنەن هەکە ئانەی کە ماچۊش بە کەسێ تەری، هیچ نەفەرێ تەر نمەوینۊ پېسە ئاڎیی، ئەچا وەختەنە بە ناشیرینتەرین کەس مەی وەرچەماش.[1]