ب دەستووری خودێ
دیندارا سلتان ئێزی مناسبی خاسانە
ھنجی روحا ب ئەدەب و ئەرکانە
سلتان ئێزی بێ شک موحبێ وانە
***
شێخ فەخرێ ئادیا ل گەل جۆقەتێت شێخان و پیرە
پالا خۆ دابو بەرێ خەفیرە
بەرێ خۆ دابو جەلسا میرە
جیێ سەما لێ دکێشان فەقیرە
***
شێخ فەخرێ ئادیا ل گەل جۆقەتێ ئی جوانە
پالا خۆ دابوە بەرێ زانە
بەرێ خۆ دابوە ھەبانە
***
خۆزی چۆبامە دەریێ مەزنە
من سەرێ خۆ دانا با ل بنە
مێر ل دیوانا شیخادی و مەلک شێخ سن دبن مراز حاسلە
***
خۆزی چۆبامە دەریێ نوورانی
من سەرێ خۆ ل بەر داتانی
شیخادی ئی ئاگەھە ئی دوربینە ب ھەمویێ دزانی
***
ھنجیێ برینا وی ل دلە
قەسدکەنە دیوانێن فازلە
مێر ل دیوانا شیخادی و مەلک شێخ سن دبن مراز حاسلە
***
فەخرۆ دلی ب ھەستە
بەر ب لالشا نوورانی کربوو قەستە
ل جەلسا میر ڤە دوەستە
ب شباکا شیخادی گرتبوو ب ھەردوو دەستە
مەو حازر و گوھدارا مرازا خۆ ژ وان دخواستە
ئەوان مرازا خۆ و یا مە ژ دیوانا سلتان ئێزی دخوەستە
***
یێ تەمام خودێ یە[1]