ئاوەو بۍ لغاویش واردېنۆ:
وڵاخی بەرزە پېسە هەری و مایېنۍ و ئەسپی، وەختو کاروانی و بار بەردەینە لغاوەشا کەران، لغاو کەردەی یانی دەم بەستەی، پەی ئانەی وەختو کاروانی و بارینە وەڵاخەکە وېش خەریک نەکەرۊ بە گیواو واردەی و ئاو واردەیۆ، بەڵام کە یاوێ مەنزڵ لغاوەکاشا کەراوەو بە هەڵمەتدای دەسکەرۊن بە لەوەڕیای و ئاو واردەیۆ.
ئی ئیدیۆمۍ پەی کەسێ بەکارئامێنە هەکە سنوورو وېش بەزنان، زیاڎەڕەویش کەردەن.
پەی نموونەی بە کەسێ دەم شڕی و دژمان ورەشی ماچان: مەشۊم لغاوېش گېری با ئیتر نەتاوۊ چەنەبازیی و دەم شڕیۍ کەرۊن، فرەو جارا تاتە بە زارۊڵەکاش ماچۊ، وەختێ دەم درېژی کەران وەراوەرو تاتەیشان، ئاڎییچ پېسە تالېقێ ماچۊن: ئەها زارۊڵە کە ئاڼە لغاوەت وەردا، پاسەش سەرمێ.[1]