ئڼەش پۆنۍ ئەجۊ پەی مزگیش گېرتېنۍ
دلۍ باخ و باخاتینە، زیاتەر جە فەسڵو هامنی و سەمەرینە، چن دەسەواچۍ هەنۍ هەر دەم ماچاشا: فرېش گېرتېنۍ، ۋڕێنەرە، ئېساڵ سەمەر نېیەن، ....تد
بەشێ جە دارو ۋەزەکا ساڵەی چامنۍ هەنە بەرێ فرە مەگېران، تاکو ئانەی ماچان: گەڵاش دیار نېیەن، یانی ئڼە وەزیش گېرتېنۍ گەڵێکېشا شارتېنێ.
پېسە مزانی جە ناوچەو هۆرامانی مزگی و خانەقاکۍ قەرەباڵقېنۍ، چاگە فەقیۍ خەریکو دەرس واناینۍ، چاگە مەناوە، بېجگە ئانەیچە یاگۍ ڕاوېیەراو مېمانانە، یەرە ژەمە چاگە نان وەران، یانی شېیەینێ فرەش گەرەکەن، کە خەڵکۍ ئیماندارۍ و دارێ کۊمەکشا کەران.
هەر دارو ۋەزێ گەر وەزی فرۍ گېرۊن، ماچان:
ئەجۊ پەی مزگیش گېرتېنۍ، یانی پەی کۊمەکو مزگی.[1]