نامۊ بەرهەمی: شنەو فەرهەنگوو هۆرامانی
بابەت: فەرهەنگی، ویرەوەری، موستەنەد کەردەی
نویسەر و ئامادەکار: ئیبراهیم شەمس
چاپوو دووهەمی: 1402
چاپ و پەخش: زایەڵە
ئی بەرهەمە کۊمایېوەن جە ئا هەرمانا جە ماوەو پەنج ساڵانه ڕېکوزیای فەرهەنگی هونەری نەسیموو فەرهەنگوو هۆرامانی بەرڎېنۍ ڕاوە. ساڵەو 1399 ک.ڕ پەی جاروو یەکەمی چاپ کریان و دماو پېشوازی هۆگرا، وەهاروو 1402 ک.ڕ چاپوو دوەمی کریانەوە.
ڕېکوزیاو نەسیموو فەرهەنگوو هۆرامانی، ساڵانێوەن جە شاروو پاوەیەنە مەرزیانەرە و بەردەوام سەرو هەرمانە فەرهەنگی و ئەدەبیەکا هەرمانەش کەردېنە.
ئی کتیبە، بەشێوە فرە چا هەرمان و بەرناماشە موستەنەد کەردێنێ و وستێنېش وەروو دەسو هۆگرا.
ڕە‌نگە هەرمانەی ئەچیمنێ (موستەنەد کەردەی چالاکیەکا جە قەوارەو کتیبېیەنە) تاکو ئیسە جەلاو ڕېکوزیا فەرهەنگی و ئەدەبیە کوردیەکاوە نەکریێبۆ یان فرە دەگمەنبۊ.
بە دەسوستەی و وانایۆ کتیبێوە، پەی خزمەت کەردەی بە گەشەو فەرهەنگی، هەنگامەی گورجانێ هورگېرمێ.[1]