نامۊ بەرهەمی: شارۊ
بابەت: شېعرۍ
شاعېر: بێهروز موحەمەدپوور
چاپوو ئەوەڵی: هامنوو 1401
چاپ وپەخش: زایەڵە
ئی بەرهەمە تازەتەرین دەفتەرە شېعروو شاعېری ناسک خېیاڵ، بەڕېز بێهروز موحەمەدپوور (شارۆ) یا. بە پۊلېو شېعرۍ ناسکۍ و هەستاویۍ کاروانوو شېعرېش ڕازنانۆ و ئاوەڎانیش پی ڕېبازیە بەخشان.
شاعېر جە وەڵینەو ئی بەرهەمیەنە ماچۊ:
شېعرە؛ لەنجیایو گوڵین و سەماو پەلکاو شوڕەبی وەختێوە وا؛ گۊرانیواچشا بۊ
شېعرە؛ وینایو ڕۊجیارین وەختێ وەرکەوتەو پەنجۍ پېکۊ کۊی و چەمڎاری مانگەشەوېنە، پەناو پەڵەهۆرێوەنە؛ هەتا چەم بینایش!
شېعرە؛ شانەکەردەی سەرەو زاڕۊڵێوەن بە دەسو ئېحساسی و ئەسایو بەستەنییېوەن پەیش؛ وەختێو هەوا عارەق کەرۊ!
شېعرە؛ یانی نیایو نەمامێوە و بۊ کەردەیو شەمامېوە بوێسانوو ڕەنجینە. ....»
ئەژمارای ماتڵی
ئەچېگەنە کە من هەنا
زوقم و کڕیوە دەم وېرانا و
شەوژەنوو بەرەو حەوشەکېما
تەقەو دڎاناش مێ
دیواروو یانەکەیما لەرزای لەرزۊ و
هەناروو باخچەکەیما هۊشش لوان وەرم
دڵوو منیچ
پاچەسبوو یانەین و
نېگام دیاروو تیشکوو ڕۊجیاریوە
و خوەو خونچەو وەهاریوە
ماتڵی بژمارۊ.[1]