سەد کەمە، سەد و پەنجا خەمە، دووسەد چەمه
مەڕداری پیشەیەکی لە مێژینەی خەڵکی کوردستانە، کارێکی سەرەکی و باو بووە و ئەو کەسانەی مەڕیان زۆر بووە پێگەی کۆمەلایەتیشیان پێ بەرز بوویتەوە، بەڵام مەڕ بەخێوکردن ئەرکی گرانە و بەهەموو کەسێک بەخێوناکرێت، لەو ئیدیۆمەدا پۆلێنێک کراوە لەسەر ژمارەی سەری ئەو ئاژەڵە، ئەگەر مەڕدارێک سەد سەر مەڕی هەبێت ناتوانێت هەموو پێداویستییەکانی خۆی پێ دابین بکات، ئەگەر سەد و پەنجا سەر مەڕی هەبێت ئەوا بەخێوکردنی گرانە و پێویستی بە لەوەڕگا و ئالیک و ئاو و شوێنی حەوانەوە و شوانە بەمەش دەبێتە خەم و هێشتا بەرهەمەکەی وەک پێویست بۆ بژێوی و گوزەران ماویەتی، بەڵام ئەگەر ببێتە دوو سەد سەر مەڕ ئەوا دەبێتە چەم و چۆم و خێر و بێری بۆ خاوەنەکەی و خەڵکیش دەبێت.[1]