ب ئەگەرێ وەغەرکرنا محەمەد خالد بۆسەلی، پێشمەرگەیێ هەردوو شۆڕەشێن ئەیلوول و گولانێ، مەسرور بارزانی، سەرۆکێ حکومەتا هەرێما کوردستانێ پەیامەکا سەرەخۆشیێ بەلاڤکر.
دەقێ پەیامێ:
ب خەم و کۆڤانەکا زۆر، مە پەیاما وەغەرا دووماھییێ یا پێشمەرگە و فەرماندێ قەهرەمانێ ڕۆژێن سەخت و دژوارێن هەردوو شۆڕەشێن ئەیلوول و گولانێ و هەلگرێ میدالیا بارزانیێ نەمر، خودێ ژێ ڕازی محەمەد خالد بۆسەلی گۆهلێبوو، کو تەمەنێ خۆ د بزاڤا رزگاریخوازا کوردستانێ دەربازکر و ل چەندین داستانا پشکداری کریه و بزاڤەکا بەرچاڤ د تێکۆشانا گەلێ مەدا هەبوو و بابێ شەهیدێ قەهرەمان عومەر بۆسەلیە کو ل داستانا سحێلا شەهید بوو.
بەھی و سەرەخۆشییێ ل خۆ و خێزان وی یا بەڕێز و خەباتکەر و دۆست و ھۆگر و هەڤالێن وی دکەم و ھەڤپشکێ خەما وانم. خودێ مەزن و دلۆڤان، گیانێ وی ب بەهەشتێ شاد بکەت و ئارامی و ھەدارێ ب دەتە هەمی ئالییەکی.
مەسرور بارزانی
سەرۆکێ حکومەتا هەرێما کوردستانێ[1]