بەڕای من پەروەردەی منداڵێک ئاسانترە لە دووان و سیان، نەشتەرگەری باشترە لە لەدایک بوونی سرووشتی، نانی تیری بازاڕ باشترە لە نانکردن چونکە ماندوو دەبێت و دەچێتە دکتۆر و عیلاج و شت وەردەگرێ هەروەکو خۆی لێدێتەوە دواتر نیوەی ئەندامانی خێزان پێیان خۆشە و نیوەشیان ناشکوری پێ دەکەن
قاپشۆر و جلشۆر و گسکی کارەبا و عەجانە و فڕن باشترن لەکەرەستە سەرەتاییەکانی ژنی پێشوو دنیایەک ماندوو بوونیان پێوە دەچەشت، دلیڤەری خواردن باشترە لەوەی بچییە سەر نان و سفرەی حازری خەڵک لەکاتی پێویست.
دایەنگە باشترە بۆ منداڵ لەمنەتی ئەم و ئەو، ژن دەوامێکی هەبێ و موچەی خۆی هەبێ باشترە لە ژیانی چوار دیواری ناوماڵ، هەموو کار و پیشەیەکی ژنی قەدیمم خۆش دەوێت و ڕێزیان دەگرم بەڵام کەدەبینم قسەی ئاوا تاڵ دەکرێ دەڵێم هەموو ماندوو بوونێک بەزایە دەڕوا بۆیە سەردەمیانە بژین باشترە.
ئەوەندە تەداخولی ژیانی ژنتان کردووە لەبیرتان چووە خۆتان بژین. [1]
#هاوژین حەسەن قەڵادزەیی#