دەقی پەیامەکەی #نێچیرڤان بارزانی#:
لە پەيامێکدا بەڕێز نێچيرڤان بارزانی، سەرۆکی هەرێمی کوردستان، جەژنی (چلێ هاڤينێ) لە خوشک و برايانی ئيزدی پيرۆز دەکات، ئەمە دەقەکەيەتی:
جەژنا چلێ هاڤينێ ل هەمی خوشک و برايێن مە يێن ئێزدی ل کوردستانێ و ل هەر دەرا دنيايێ بن، بتايبەتی ژی يێن کو هێشتا د کەمپاندا ئاوارنە ب گەرمی پيرۆز دکەم. هيڤيدارم جەژن، ئارامی و خێر و خۆشيێ دگەل خۆ بينيت.
د هەمی جەژن و بيرهاتناندا ئەم خوشک و برايێن خۆ يێن ئێزدی يێن کو بوونە قوربانی دەستێ تيرۆرێ، ببير تينين، سەرێ خۆ لبەر گيانێ وا دچەمينين، مالباتێن ڕەڤاندييان پشتڕاست دکەين کو هەرتم دێ لەسەر هەولێن خۆ بەردەوام بين ژبۆ ڤەديتن و ڤەگەڕان و ئەشکەرەکرنا چارەنڤيسێ ڕەڤانديان.
هيڤييا جەژنەکا تەنا و ئارام بۆ هەمی ئێزدييان دخوازم، هەر سال ب خێر و خۆشی.
نێچيرڤان بارزانی
سەرۆکێ هەرێما کوردستانێ
2022/8/2[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!