کورتە چیرۆک
دلدار محەمەد
دبێدەنگییەکا خەمێ داپۆشی دا ، رۆندکا ڕەشمالێن چاڤێن وی داگیرکرن ، هەکو هندەک پەیڤێن رۆژا بۆری د سەری دا دەنگ ڤەدایی و ل بەر چاڤان هندەک ڕەفتار بووینە هەلامەتێن ترسێ، دلێ وی ب لەز دهۆلا خوە ژەنی ، رۆندکا وی گەهشتە نهالا روویێن وی ژیەک بۆری ب ئامیریێ، بەندایەتییێ ، ما گۆڕەک نینە هەمبێزا خوە ڤەکەت !؟ما تو بێژی گۆڕستان ژی گرۆپ گرۆپانێ بکەت ، تۆ بێژی ئه و ژی دەستێ ئێشایان بەربدەت؟!
بلەز ژ پشت مێزا خوە رابوو ڤە.
چ پیتە نەدا سکرتێری ، بێ دەرگەه قوتان چوو د ژۆرڤە و ئه و پەیڤێن رێزێ یێن بەری هنگی دگەل ئەزمانێ وی هەڤال چ ژوان بکارنە ئینان :
ئەز ئێدی لڤێرێ نابم
دناڤ ڤان هەمی تشتێن بلند دا من بەسە ، چارەنڤێسێ ڤان بلندیێن دەستکرد ، کەفتنە
پشتی بلندیا دەنگی ژ دیوارو دەرگەهێن ژۆرێ بووری.
ما چ چێبویە؟!
ما دێ چ چێ بیت ، تۆ هەردەم ژ سنۆران دبۆری، ژ سنۆران بۆرین بۆ تە نۆرمالە، ئەم ژی وەکی تە مرۆڤین، ئەز ئێدی رێکێ نادەم پێلاڤ مرۆڤان بکەنە پییێن خوە !
چیە دیسا، تە چ دڤێت زیکا بێژە ؟!
ئیمزا بکە.
کیڤە ؟
جەهنەم ژی بیت خۆشترە
دەرگەهێ ژۆرێ ل دویف خوە پێڤەدا دنگێنا دەرگەهی هەمی فەرمانگەه ژ دەنگێ خوە تژی کر، کاغەزا دەستبەردانێ یا ددەست دا ژ کەربێ ڤەدلەرزیت.
هەر دەمەکێ د وێرێ ڕا دبۆری چاڤێن خوە د گرتن دا وی هەمی ئاگڕی، وێ هەمی سۆتنێ ب چاڤ نابینیت و چاڤێن وی ئێدی ببنە مالا جوانییێ ، ژ وێ ئێڤارێ وەرە شەڤێ ژیانا وی داگیر نەکری، خەم ل دێمێ وی نەباری.[1]