ناونیشانی پەرتووک: ئاسمانی سوور
ناوی نووسەر: #تێکۆشەر خالید#
شوێنی چاپ: تاران
چاپخانە: جەنگەڵ
دەزگای پەخش: کەپر
ساڵی چاپ: 2020
ژمارەی چاپ: یەکەم
پەرتووکەکە شەش چیرۆکی ڕیالیزمییە و لە هەر چیرۆکێکدا زمانی گێڕانەوە و تەکنیکی جیاوازی بەکار هێناوە، هەروەک لە چیرۆکەکان دەیەوێت بە خوێنەر بڵێت من لە دنیایەک دەنووسم کە لێی ژیاوم، یان بۆی دەژیم
لەبارەی ناوەرۆکی چیرۆکەکان نووسەری پەرتووکی ئاسمانی سوور ڕوونی کردەوە کە: لەگەڵ ئەوەی کە کۆمەڵە چیرۆکی ناو پەرتووکەکە هەر یەکەیان چیرۆکێکی سەربەخۆیە، بەڵام وێنەیەکی گشتی یەک چیرۆکی دەبەخشێت و بەسەرهاتی پیاوێکە کە لە بنەڕەتدا دژی جەنگە و لەپاڵ ئومێد و نا ئومێدیدا چیرۆکی خۆی و دەوروبەرەکەی لە سەرەتای چوونە ناو جەنگ تا گەڕانەوەی باس دەکات کە کۆی کارەکتەرەکان هەڵگری نەخۆشی، یان گرێی دروونین کە کولتورو ژینگە و سرووشت بەسەری هێناون.[1]