دەقی پرسەنامەکەی #بافڵ تاڵەبانی#:
بەداخێکی زۆرەوە هەواڵی کۆچی دوایی پێشمەرگەی دێرین و تێکۆشەری ماندوونەناس هەڤاڵ (جوتیار جەبار)مان پێگەیشت.
بۆ ئەم خەمە قووڵە پرسە و هاوخەمی خۆمان ئاراستەی کەسوکار، خانەوادە و هەڤاڵانی خوالێخۆشبوو دەکەین و هیوای سەبوورییان بۆ دەخوازین.
هەڤاڵ جوتیار پێشمەرگەی ڕۆژانی سەختی خەبات و ڕێگای ڕزگاریی کورد و کوردستان بوو، زۆرینەی تەمەنی بەخشییە شۆڕش و ڕۆڵێکی گرنگی لە خەباتی چەکداریی میللەتەکەماندا هەبوو. هەروەها بنەماڵە قارەمانەکەشی نموونەی بەرزی خەبات و قوربانیدان بوون. شەهیدی فەرماندە فاروق جەباری برای یەکێکبوو لە فەرماندە بەجەرگ و جوامێرەکانی یەکێتی لە سنووری #هەولێر# و لە شۆڕشی نوێدا بەشدارییەکی قارەمانانەی هەبوو.
رۆحی هەڤاڵ جوتیار شاد بێت و خوای گەورە ئارامی و سەبووری بە کەسوکار و هەڤاڵانی ببەخشێت.
دڵسۆزتان
بافڵ #جەلال تاڵەبانی#[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!