- سەرۆکایەتی هەرێمی کوردستان ئەمڕۆ ڕاگەیەنراوێکی بڵاوکردەوە و تیایدا ئاماژەی بۆ ئەوەکردووە، مەسعود بارزانی پابەندی هەر ڕێکەوتنێکە لەبارەی کشانەوە و مانەوەی هێزەکانی پێشمەرگە لەو ناوچانەی ئازادی کردوون، نوسینگەی عەبادیش باسی لەوە کردووە پێشمەرگە لەو ناوچانەی ئازادی کردوون دەکشێنەوە.
- وەزیری پەروەردە ڕایگەیاند، 60 هەزار دینار و هاوکارییەکەی ڕێکخراوی (GIZ)ی حکومەتی ئەڵمانیا لەم مانگەوە خەرجدەکرێت و هەر مامۆستایەکیش دەوامنەکات لەم هاوکارییە بێبەشدەبێت.
- وەزارەتی بەرگری عیراق ئاشکرایکرد کە ئەمرۆ چوار فڕۆکەی جۆری ئێف 16 گەیشتۆتە عیراق، ئەمەش بەپێی ڕێککەوتنێکی پێشتری نێوان بەغدا و واشنتۆن بووە کە لە ساڵی 2011 واژۆ کراوە.