بەیاننامەیەک لەوەزارەتی ئەوقاف و کاروباری ئاینیەوە
چەندین وتاری کەسێک بەناوی(د.عەبدولواحید محمد) کە پیشەی پزیشکە و لەهەمان کاتیشدا مامۆستایە لەزانکۆی سلێمانی“لەهەندێ کەناڵ و تۆڕە کۆمەڵایەتیەکان بڵاوبۆتەوە کەتیایدا ناوبراو وەک بانگخوازێکی ئیسلامی قسە دەکات و هەرجارە و سوکایەتی بەتوێژێکی کۆمەڵگە و بەپێکهاتە ئاینیەکانی کوردستان دەکات و دواجاریش لەم ماوەیەدا کە هەموو گەلی کورد ڕوبەڕووی هێرش و دڕندەیی تیرۆرستانی داعش بۆتەوە “ناوبراو لەپیرۆزیی خاک و ئاڵاو بەرگریکردنی پێشمەرگە لەخاک و خەڵکی کوردستان کەمدەکاتەوە و ئەمەش نیگەرانیەکی زۆری چین و توێژەکانی جەماوەری کوردستانی لێکەوتۆتەوە و لەم ڕۆژانەی دواییدا چەند یاداشتێکی نارەزایی لەلایەن ڕێکخراوەکانی ژنان و ئافرەتان و ڕێکخراوەکانی کۆمەڵی مەدەنی و مامۆستایانی ئاینی و پێشمەرگە و ڕۆشنبیرانی کوردستانەوە خراوەتەڕوو کە هەندێکیان ئاراستەی وەزارەتی ئەوقاف و کاروباری ئاینی حکومەتی هەرێمی کوردستان کراوە و هەر لەسەر سوکایەتی و هاندان دژی کەمینە ئاینیەکانی کوردستان و هەوڵی شێواندنی ئاسایشی کۆمەڵایەتی کوردستان”زیاتر لەساڵێکە بەرپرسانی وەزارەتی ئەوقاف لەداواکاری گشتی و لەدادگا سکاڵای یاساییان لەسەر تۆمارکردوە و ئێستاش کەیسەکەی لەدادگای سلێمانیە” ئێمە لەگەڵ ناڕەزایی و ئیدانەکردنی وتار و لێدوانەکانی ئەم کەسە “تەئکید دەکەینەوە کەوا بەرگریکردن لەخاک و نیشتیمان لەژێر ئاڵای پیرۆزی کوردستاندا بەشێکە لەعیبادەت و ئەو گەلەی خاکی نەبێت ناتوانێ خوداپەرستیەکی تەندروست بکات و ئەم ڕاستیەش لەلایەن وتارخوێنی مزگەوتەکانی کوردستانەوە ڕونکراوەتەوە و بەردەوام مامۆستایانی ئاینی ستایشی ڕۆڵی قارەمانانەی پێشمەرگەی کوردستان دەکەن”بەڵام بەهۆی ئەوەی ئەم کەسە فەرمانبەری ئێمە نیە و دامودەزگاکانی ئێمە بۆ وتارە ژەهراویەکانی بەکارناهێنێ “ناتوانین لەسەرئەم بابەتە سکاڵای یاسایی لەسەر تۆمار بکەین”بۆیە دوا لەداواکاری گشتی و لایەنە پەیوەندیدارەکان بەقسە خراپەکانی ئەم پزیشکە دەکەین ڕێوشوێنی یاسایی لەگەڵدا بگرنەبەر و داوا لەهەردو وەزارەتی خوێندنی باڵا و وەزارەتی تەندروستیش دەکەین چاو بخشێننەوە بەمۆڵەتی کارکردن و خراپ بەکارهێنانی پیشەکەی”.
وەزارەتی ئەوقاف و کاروباری ئاینی حکومەتی هەرێمی کوردستان
31-03-2015