بەشی نشینگەی گەرمیان سەر بە بەڕێوەبەرایەتی نشینگەی پارێزگای سلێمانییە و ئەم بەشە تایبەتە بە سنووری گەرمیان.
بەشی نشینگەی گەرمیان لەشاری کەلارەو تایبەتە بە کاروباری ئەو کەسانەی بە مەبەستی سەردان یان کارکردن لە وڵاتانی ترەوە ڕوو دەکەنە ئەو ناوچەیە.
بەشی نشینگەی گەرمیان بەفەرمانی وەزارەتی ناوخۆ ژمارە (3171 لە 01-02-2012) لە سنووری ئیداری گەرمیان بە فەرمی دامەزراوە و بینایەکی تایبەت بە خۆی بەسەرجەم پێداویستیەکانیەوە بۆ دابینکراوە وە چەندین ئەفسەر و کارمەندی شارەزا لەبواری مانەوە کاری تێدادەکەن.
کارەکانی بەشی نشینگەی گەرمیان تایبەتە بەو کەسە بیانیانەی لە ووڵاتی ئێران یان وڵاتانی ترەوە ڕوو دەکەنە سنوری ئیدارەی گەرمیان بەمەبەستی گەشتکردن یان کارکردن لەو سنورەدا، ئەمەش کار ئاسانی زۆر بۆ ئەو کەسانە دەکات کە دەیانەوێت بمێننەوە بۆ ئەو مەبەستە.
کردنەوەی بەشی نشینگەی گەرمیان بەیەکێک لە دەسکەوتە گرنگەکانی حکومەتی هەرێم لە ناوچەکەدا دادەنرێت لەو ڕێگەیەوە دەتوانرێت خزمەتێکی بێوێنە بە هاوڵاتیانی سنورەکە بکات.
بەشی نشینگەی گەرمیان پێکهاتووە لە هۆبەی:-
(هەواڵی گەیشتن، تاشیرەی گەڕانەوە، بەخشینی مانەوە، بەدواداچوون، IT، کارگێڕی، ژمێریاری، میرە، ئامێرسازی، پەنابەرێتی، یاسا) هەموو ئەم بەش و هۆبانەی کەئاماژەیان پێ دراوە هەمان ئەرک و کاری ئەو بەشانە بەڕێوەدەبەن کە لەبەڕێوەبەرایەتی نشینگەی سلێمانییان هەیە.