باسێوی فەرهەنگی دەگاو گوڵپی
یانەو سیاوچەمانەی ئاهەنگەو پەردەلادای پەی کتېبو (باسێوی فەرهەنگی دەگاو گوڵپی) مەبەرۊ ڕاوە.
ڕۊ جمعەی ڕېکەوتو (19-04-2024ز) سات دوېو دمانیمەڕۊی پەردەلادای سەرو کتېبو دەگاو گوڵپی مەلۊڕاوە.
یاگې: مزگیو دەگاو گوڵپی.
ئەوەوانای و هورسەنگنای پەی دلېگەرو کتېبەکەی مەکریۊ جە لاو مامۊسا ئیبراهیم مەیکەیوە.
واتەیوە-قسێوە سەرو ڕازەو نویستەیو کتېبەکەی جەلاو نویساو کتېبەکەیوە (د. ناجح گوڵپی).
جە کۊتاو ئاهەنگەکېنە بەخشنای کتېبەکەی ملو ئامادەبېیارە.
پی بۊنەوە بنەیانەکاو گوڵپی و ڕۊشنویراو گوڵپی هاگادار مەکەرمۍ، ئامادۍ بانۍ تاکو ۋېیەردەو فەرهەنگو دەگاکېشا بزانانۍ، بەتایبەت وەچەی تازە کە غافڵېنۍ ئەچی زانیاریا.
موختارۍ دەگایەکاو هۆرامانی خوڵکە مەکەرمۍ پەی ئی ئاهەنگۍ. تاکو هانی دریانۍ گرد دەگایوە تەقەلا بدۊ سەرو دەگاکېش بنویسۊنە پەی ئانەی ۋېیەردەما بارمېوە وەرۆ پەی وەچەی تازەی.
میدیاکارۍ ئەرەیاونای هاگادار مەکرمۍ ئازادېنۍ پەی سازنای هەواڵی ئەچی ئاهەنگۍ.
ئەر ۋېیەردەو وېت بزانی، ڕات ڕۊشنەنە پەی ئایندەیت.[1]