#شێخ جەعفەر# شێخ مستەفا لێپرسراوی ئەنجوومەنی پاراستنی بەرژەوەندییە باڵاکانی (#یەکێتیی نیشتمانیی کوردستان#) ڕایگەیاند: فیرقەی دووی هێزی پێشمەرگەی کوردستان و فیرقە هاوشێوەکانی، ناوکی دامەزراندنی سوپای یەکگرتوی کوردستانە و پێشمەرگە زامنی پاراستنی دەستکەوتەکانی گەلی کوردستانە.
ئەو وتانەی لێپرسراوی ئەنجوومەنی پاراستنی بەرژەوەندییە باڵاکانی (ی.ن.ک) لەمیانەی کۆبوونەوەیەکیدا هات لەگەڵ فەرماندەی فیرقەی 2ی هێزی پێشمەرگەی کوردستان و ژمارەیەک لە ئەفسەرە پلە باڵاکانی فیرقەکە کە لە #سلێمانی# بەڕێوەچوو.
لە کۆبوونەوەکەدا، شێخ جەعفەر دەست خۆشی و ستایشی بەڕێوەچوونی کاروبار و ئەرکەکانی فیرقەی (2)ی کرد بەوەی کە ئەم فیرقەیە ناوکی دامەزراندنی سوپای یەکگرتوی پێشمەرگەی کوردستانە.
لە بەشێکی دیکەی کۆبوونەوەکەدا لێپرسراوی ئەنجوومەنی پاراستنی بەرژەوەندییە باڵاکان، ئاماژەی بە گرنگی بوونی سوپای پێشمەرگەی کوردستان کرد بۆ پاراستنی خاک و گەل و دەستکەوتەکانی گەلی کوردستان و زامن کردنی ئاییندەی ئەم گەلە بە خۆسازدان و ئامادەباشیی بەردەوام و پەیڕەوکردنی دیسپلینی سەربازی و شێوازی پێشکەوتووی زانستە سەربازییەکان لە هەموو قۆناغەکانی بەجێهێنانی ئەرک. [1]