خانووی کەلەپووریی شێخ عەلی، یان ماڵی مەستوورە، یەکێکە لە خانووە کەلەپوورییەکانی #سلێمانی#، کە سەر بە فەرمانگەی شوێنەواری ئەو شارەیە و مێژووی درووستکردنی دەگەڕێتەوە بۆ ساڵەکانی 1915-1920.
ئەم خانووە، کە پێشتر (ماڵی شێخ عەلی)یان پێ گوتووە، ئێستا لەلایەن کۆمەڵێک گەنجی ئەو شارە و لەژێر چاودێریی بەڕێوەبەرایەتیی شوێنەوار و کەلەپووری سلێمانی نۆژەن کراوەتەوە و وەک قاوەخانەیەکی کولتووری بە ناوی (ماڵی مەستوورە) کراوەتەوە، کە ئەو چەند گەنجەیە بەڕێوەی دەبەن.
ئەم خانووە کەلەپوورییە هەر لەسەر دیزاینی کۆن و ڕەسەنەکەی خۆی نۆژەن کراوەتەوە.
ئامادەکردنی بابەت و وێنە: #ڕۆیا سەردار#[1]