لە گردی شوێنەواری #باب و کوڕ# لە دەڤەری ڕاپەڕین (ڕانیە) ، چەندین قاپی گڵینەی جیاواز و سەرنجڕاکێش دۆزراوەتەوە کە بە گوتەی شوێنەوارناسە بەشداربووەکانی کاری هەڵکۆلینی شوێنەواری لەم گردە مێژووییە، دەکرێ ئەمانە کۆمەڵێک قاپ بن کە وەک قاڵبێکی نان درووستکردن بەکار هاتبێت.
تیم بوز، سەرۆکی تیمی شوێنەوارناسی کە سەرقاڵی کاری کنە و پشکنینی شوێنەواری لەسەر ئەم گردن، لە هەژماری تایبەتیی خۆی لە تۆڕی کۆمەڵایەتی فەیسبووک لەبارەی دۆزینەوەی ئەم قاپانە دەڵێت: چەند قاپێکی جیاوازمان بینی لە گردی شوێنەواری باب و کوڕ لە ڕاپەڕین، ئەم قاپانەمان بە مەبەستی جیاواز بەکارهێنا، تەنانەت میوەمان تیا دانا و نانمان تێیدا درووستکرد. بە بۆچوونی ئەم شوێنەوارناسە پێدەچێت ئەم قاپانە زیاتر بە مەبەستی قاڵبێک وەک درووستکردنی نان بەکار هاتبێت.
مێژووی ئەم قاپە شوێنەوارییانە بۆ 5500 ساڵ پیش دەگەڕێتەوە.[1]