سەرەداوێ نیا لەمەشەنە
داوە یام دامە، تەڵێوەن مەنریۊوە پەی گېیاندار و باڵدارا. دامەکۍ مەبەسیۊن بە تاڵە بەڼێوەو مەکېشیۊن پەی یاگێ دوورتەری جە دامەکی، کەسی دامنیار دوورۆ سەرو دامەکۍ مەگېرۊن و بە نزیک بېیەیۆ گېیاندار یام باڵدارەکەی مەکېشۊش، پا تەرزە مەگنۊ چېرو دامەکۍ.
ئینە پېسە ئیدیۆمێ بەکار ئامان پەی ئا کەسا کە هیچ زانستێ یام بەرنامێوەش نېیەن پەنە، هەرچن ئا جۊرە کەسۍ پاسە وېشا نمایېش کەران هەکە شارەزێنۍ و خاوەنو عیلم و مەعریفەتینۍ، بەڵام دلېنە بۆش و بەتاڵېنۍ جە زانیاری. پەی نموونەی چن کەسێ مەگنا واتە و گۊشگېرتەی، دلۍ کۊنیشتەکەیشانە مەگنا باسو کەسێ، پېسە کۊلکە مەڵڵێوە یام مامۊسێوە، یۊشان ماچۊ: بە خوڎا برا پانەی نېیەن مامۊسان، بەڵام سەرە داوێ نېیا لەمەشەنە، یانی هیچش پەنە نېیەن.[1]