حەیا قەترێوەنە، کە تکا ئیتر نمێوە
مروڤ چ ژەنی بۊ، چ پېیا بە حەیا و حورمەتۆ زەریفەن، حەیا زەریفی و کەسی بېیەی مڎۊ بە مروڤی، دلۍ خەڵکینە سەنگینش کەرۊن، وەشەویسش کەرۊن.
ئینسان مەشۊم ئاگاش جە حەیا و حورمەتیش بۊن، پەی دەسکۆتێ مادی و دنیایی جە دەسش نەڎۊن.
بڕێ خەڵکۍ پەی قازانجێ کەمۍ وېشا ناشیرین کەران، دەسو خەڵکی بڕان، دزی کەران، فڕ و فېڵ مڎان وەنە، بېحەیایۍ وەراوەرو خەڵکی مەکەران، ئا جۊرە کەسۍ حەیاشا تکێنە، هیچ چېوێ لاشاوە قیمەتش نېیەن، بېجگە زەڕی.
وەختو تەرېق بېیەیۆنە، ڕۊخسارو کەسەکەی سوور مەبۊوەو ئارەق بەر مڎۊن، هەر ئەچانەیۊ ئامان کە ماچان: حەیا قەترێوەنە، یانی ئارەقو ڕۊخساریشەنو مەتکۊرە.
حەیا شېیەی یەکجارەن، گېڵایۆش پەی نېیەن، پەوکەی پاسە واچیان، ئیتر کەسەکە کەسی بېیەو وېش جە دەس مڎۊو قیمەتش وەزۊرە.[1]