دوعایا سبێ
پشتی هلاتنا ڕۆژێ، هەر ئێزدیەک ژ خەوێ هشیار دبت و دەست و چاڤێن خۆ دشۆت و پشتا خوه گرێ ددەت و کومێ خو یان جەمەدانیا خۆ د هاڤێژته سەر سەرێ خۆ ، ب ئەشق و دل بەرێ خوه ددەته ڕۆژ هەلاتی ، هەردوو دەستێن خوە دانێتە سەر یەک بەرانبەری ڕۆژی دسەکنت و دوعا یا خوە دبێژت. پشتی دوعایا خوه ب داوی تینت ، خوه کن دکنه ئەردێ سێ جارا شونا ڕۆژێ ماچ دکەت . دەستێن خۆ بسەر ڕویێن خۆدا دئینت و شکرینیێ ژ خودێ و تاووسی مەلەک و خاسا دخوازە خێر و بێ بەلایێ بۆ خوە و بۆ مللەتێ خوە و بۆ هەموو مرۆڤێن چاک دخوازیت دوعا ب ڤی ئاوایی دئیتە گۆتن ؛
ب دەستوری خودێ
ئامین ئامین تەبارەک ل دین
“ یاللا ئەحسەن ل خالقین
ب هەیمەتا شەمسدین ، فەخردین ، سجادین ، ناسردین
شێشمسه قەوەتا دین
سلتان شێخادی تاج ژ ئەولین هەتا ب ئاخرین
حەق هەمدولا “ ڕەب ل عالەمین خێرا بدە شەرا وەرگرین
مەهدەرەکێ دخوازین
ب ڕەحما شێخادی
ڕەزا مەلک شێخ سن
کەرەما شێشمس
* * *
نوور ژ نوورێ شەفقی
سبحانه ژ ته خالقی
مەلەکا ل بەر تەفقی
* * *
ژ مالێ هەتا مالێ
شێشمس خودانێ سیقالێ
ئەم ژ شێشمس نابرین خیالێ
* * *
دەرەجێ هەتا دەرەجێ
شێشمس خودانێ فەرەجێ
ئەم دێ دەست و دامانێت شێشمس تەواف کەین شونا کابەتلایێ و هەجێ
* * *
ژ ستونێ هەتا ستونێ
شێشمسە خودانێ معریفەتێ و ئەرکان و ناسینێ
* * *
ژ چاڤا هەتا ب دەڤی
مۆرا شێشمس لێ دکەڤی
مەیدانا مەزن ژ گەرما ناهیلن بنڤی
* * *
سەری هەتا پێیا
یا شێشمس تە نە قشاندین ، داناینە سەرێ ڕێیا
ئەم ژ شیشمس نا برن هیڤییا
* * *
یا شێشمس ! تو لمە ڤەکەی دەرگەهێ ڕەحمەتێ
ته ئەم ئینابون سەر ڤێ خلمەتێ !؟
* * *
سونی کو سونینه
زەبونن د ماندینه
مه ب شێشمس هیڤینە
* * *
سونەت کو سونەته
زەبونه کێم تاقەته
مه ب شێشمس ئەینەتە
* * *
چی دوعایا ئەختیاری مەرگەهێ کری
چێشێ مەلک فەخرەدین ، قەوالێ شێخادی
دوعایا قەبول ، پیرێ لبنا
وان چی دوعا کری
مه ژی ئه و دوعا کری
ئەم دکێمن خودێ یێ تەمامه.[1]