سەرپەرشتێ پرۆژەیێ نوژەنکرنا پەرستگەھا لالش دیار کر، خانا ئێزی ل پەرستگەھا لالش دێ بیتە مۆزەخانا کەلەپووری ھەموو جۆرێن کەلەپووری ئێزدیان ناڤدا دھێنە پاراستن، پشتی خانا ئێزی ھێتە نوژەنکرن دێ دەست بجە ئینانا پرۆژەیێ ھێتە کرن.
خالد نەرمۆ، سەرپەرشتێ پرۆژەیێ نوژەنکرنا پەرستگەھا لالش راگەھاند کوو: ''ئێک ژ پرۆپوزلێن نوژەنکرنا پەرستگەھا لالش ئەو خانا ئێزی بھێتە نوژەنکرن کوو خانا ئێزی ئێکە ژ ئاڤاھیێن ھەر کەڤنار ل پەرستگەھا لالش ئەڤە دێ بیتە مۆزەخانا کەلەپووری بۆ پاراستنا کەلەپوورێ ئێزدیان ھەموو کەلەپووری ئۆلی یێ ئێزدیان دناڤ خانا ئێزیدا دھێتە کۆمکرن و پاراستن، جلوبەرگێن کەلەپوور و میوزیک و ئەو کەرەستێن کەڤندا ئێزدیان بکار دئینان بۆ کارێن چاندنێ و ناڤمالی ھەموو جۆرێن کەلەپوورێ دێ ناڤ مۆزەخانا کەلەپوورێ ئێزدیان دا ھێنە پاراستن.
خۆیا ژی کر: نووکە پرۆپوزەل یێ ھاتییە بەرھەڤکرن، ھیشتا بودجە نەھاتییە تەرخانکرن و دەست بکارێ سەخبێری و نوژەنکرنا خانا ئێزی نەھاتییە کرن، ھەردەمێ لایەنەک پشتەڤانیی بکەت بودجەیێ تەرخان بکەت، بیگومان دێ دەست بجەئێنانا پرۆژەیێ ھێتە کرن.
ئاشکەرا کر: مۆزەخانا کەلەپووری ل پەرستگەھا لالش دێ بیتە ئەگەر پتر کەلەپوورێ ئێزدیان بھێتە پاراستن و دەمێ زیارەتکار و شاندەیێن بیانی قەستا لالش دکەن دێ کەلەپوورێ ئێزدیان ژی بینن ھەروەسا ژی بۆ گەشتوگوزاریا ئولی ژی ئەڤ موزەخانا کەلەپوورێ یا گرنگە.[1]