واتەو وەڵینا

زوان بازەم سەرەم سڵامەت:
زوان هەرچن سەرچەمەو گوفتەکان، واچەکان، ئامېرێن پەی گۊ کەردەی ویرەکا دلۍ دڵ و مەژگیما، بەڵام باعزە جارێ هۊکارەن پەی نەهامەتی و نەگبەتی، زوان گەر شیرین نەبۊن، دیارەن سۊڵەن، واتەنشا زامو قسۍ ساڕېژ نمەبۊن، چەنی ئانەیچە نەگېرتەی زوانی، یان زوان بازی کەردەی فرەو جاری مەبۊن بە سەرە وەرەو ساحیبەکەیش، بەڵام مەشۊم جیاوازی کەرمۍ مېیانو ئانەی کە ماچمۍ زوان گېرتەی، گېرتەی یەکجاری نېیەن، ئینسان وەراوەر بە ناداڎییەکا، وەراوەر بە زوڵم و ستەمی، واتەی هەقی، مەشۊم زوانش پاراو و ڕەوان بۊن، داواو مافو وېش و میللەتەکەیش کەرۊن.[1]