کابرێوە بە نامۍ فڵانە (سەیید) ، کوڕەکەش کە نامېش (سەیید عەلی) ن، هۊڕەکەو میرزا ئۆلقاڎری بەرۊن، دیارەن دېر کیانۊشۆ پەیش، میرزایچ پېویسشەن، پەوکەی بە شېعرێ داواش وەنەکەرۊن کە پەیش بکیانۊوە.
سەییدی دین‌خاس سەییدی دین‌خاس
میرزای پاک مەزهەب سەییدی دین‌خاس
پەروەردەی ئۊجاخ بارگەی سەیید هەیاس
کلین حەرەم دایە ڕیزوان ناس
دەی سا بۊ وە عەشق خووگانی پای زاخ
جەم جەم یاران پوف پوف نە چراغ
با جەتی ئه و شه و قەوم و کار و خوېش
هەر یارەن یاوەر مەکېشۊ پەی وېش
تا کە کارخانەی شەفەق مەبۊ شەق
زەڕئەفشانیەن بۍ پەروا جە حەق
بەشق تووڵە سەوز پەروەردەی داوەر
تۊبە شکەستەی ڕای باوا یاوەر
با جەتی مووچەی شکەستەی ساوا
نیزەی میرخاقی ماڵ جە بارئاوا
دووبارە بە عەشق گاو مەخمەڵ جل
ڕەنگ سیا و سفید حەڵقە زەنگ نەمل
با جەتی بارگەی باوا یادگار
یە گشت سەوگەند بۊ سەییدی دین‌دار
سەی عەلی کوڕت هۊڕەکەم بەردەن
خەیلێوەن جفتم موعەتتەڵ کەردەن
ئومېڎم ئېدەن جە ڕووی خەیرەوە
زووتەر هۊڕەکەم پەی بنیەرەوە.[1]