ناڤ: ڕۆژان
ناڤێ بابێ: نوری عەبدوڵڵا
ڕۆژا ژ دایکبوونێ: #20-06-1976#
جهێ ژ دایکبوونێ: #شەقڵاوە#
$ژیاننامە$
ڕۆژان نووری عەبدوڵڵا ژدایکبوویێ ڕێکەفتا 20-06-1976یە ل شارۆچکەیا شەقڵاوەیێ. ناڤێ وێ یێ درست «ڕۆژان نوری عەبدوڵڵا فەتحوڵڵا»یە و ب ئەسڵێ خوە خەلکێ گوندێ #ئیلنجاغی گەورە#یە، سەر ب باژارێ #کۆیە#. ل ساڵا 1980ێ ڤە ل باژارێ کۆیێ ئاکنجییە و قویناغێن بنەڕەتی، ناڤنجی و ئامادەییا خواندنا خوە هەر ل وی باژێری بدوماهی ئینایە. باوەڕنامەیا بەکالۆریۆسێ ل بەشێ زمانێ کوردی، کۆلێژا پەروەردێ، ل #زانکۆی سەڵاحەدین#ێ ل ساڵا 1999-2000 بدەست ئینایە. ئێک ژ خواندەکارێن ئێکەمێ بەشا خوە بوویە، ل ساڵا خواندنا 2000-2001ێ لگەل ڤەکرنا کۆلێژا پەروەردەیا زانکۆیا سلێمانیێ ل باژارێ کۆیێ، وەک ئێکەم یاریدەدەرا ڤەکۆلەر ل بەشێ زمانێ کوردییا وی کۆلێژێ، هاتییە دامەزراندن و پاشێ بوویە ئێکەم بەرپرسێ پەڕتووکخانەیا کۆلێژا پەروەردەیێ و ئێک ژ دەستەیا ئێکەما دامەزرێنەرێ وی کۆلێژییە ل باژێرێ کۆیێ. ل ساڵا 2004ێ بۆ خواندنا ماستەرێ ل بەشێ زمانێ کوردی، ل کۆلێژا زمانی یا زانکۆیا کۆیێ هاتییە وەرگرتن و ل 5-12-2006ێ باوەڕنامەیا ماستەرێ ب پلەیا زۆر باشە بدەست ئینایە. ناڤنیشانێ نامەیا وی «فەرهەنگی زمان و زاراوەسازیی کوردی»یە و ئەڤ نامەیە وەک پەڕتووک دوو جارا هاتییە چاپکرن.
ل ساڵا 2006ێ وەک مامۆستایێ هەڤکار ل بەشێ زمانێ کوردیا کۆلێژا زمانی یا زانکۆیا کۆیێ هاتییە دامەزراندن. ل ساڵا 2009ێ ل زانکۆیا کۆیێ، کۆلێژا پەروەدەیا بەشێ زمانێ کوردی ژ بۆ خواندنا دکتۆرایێ هاتییە وەرگرتن و ل هەردوو کۆرسێن خواندنێدا پلەیا ئێکەم بدەست ئینایە ل ناڤ هەمی خواندەکارێن وی کورسێدا. ل ساڵا 2014ێ باوەڕنامەیا دکتۆرایێ ل بوارێ واتاسازی وەرگرتییە و تێزا دکتۆرایا وێ پلەیا نایاب وەرگرتییە، ب ناڤنیشانێ «ڕۆڵی میتافۆڕ لەدەوڵەمەندکردنی زمان».
ڕۆژان نووری عەبدوڵڵا نها ب پلەیا پڕۆفیسۆرێ یاریدەدەر ل بەشێ زمانێ کوردی یا کۆلێژا پەروەردەیا زانکۆیا کۆیێ، مامۆستایە و چەندین ڤەکۆلینێن ئەکادیمی ل گۆڤارێن زانکۆیا کۆیێ و #گەرمیان#ێ بەڵاڤکرینە.
$ناڤنیشانێ ڤەکۆلینێن وێ:$
• میتافۆڕ لەشیعرەکانی «هاوژین سڵێوە»دا.
• پێکهاتەی زاراوەی پیشە لەشێوەزاری کۆیەدا، ب هەڤکاری و هەڤبەش لگەل مامۆستا «شادان سابر شکور».
• فەرهەنگی بەساڵاچوان لەشێوەزاری کۆیەدا، ب هەڤکاری و هەڤبەش لگەل مامۆستا «شادان سابر شکور».
• هێمای بازرگانی و ناولێنان لەتابلۆی شوێنکاردا.
• شیکردنەوەی پڕاگماتیکی چەند دەقێکی «فەرەیدون عەبدول بەرزنجی» بەپێی تیۆری کردە قسەییەکان، ب هەڤکاری و هەڤبەش لگەل مامۆستا «دەریا سابیر حەمەد». [1]